អ្នកជំនាញជឿថា ក្រុមគំរាមកំហែងមួយចំនួន ដែលឧបត្ថម្ភដោយរដ្ឋចិនបានវាយប្រហារកំណត់គោលដៅលើក្រសួងនៃប្រទេសបែលហ្ស៊ិក។ រដ្ឋមន្ត្រីក្រសួងការបរទេសបែលហ្ស៊ិកជាអ្នកអះអាងពីការវាយប្រហារ។
រដ្ឋមន្ត្រីការបរទេសបែលហ្ស៊ិកបានលាតត្រដាងពីសកម្មភាពមេរោគសាយប័រតាមអ៊ិនធឺណិតដែលបានវាយប្រហារកំណត់គោលដៅលើក្រសួងការពារជាតិ និងមហាផ្ទៃ។ សកម្មភាពមេរោគសាយប័រតាមអ៊ិនធឺណិត ដែលកំណត់គោលដៅលើក្រសួងការពារជាតិបែលហ្ស៊ិកមានទំនាក់ទំនងជាមួយនឹងតួអង្គគំរាមកំហែង Gallium។ សកម្មភាពមេរោគសាយប័រ ដែលបានវាយប្រហារកំណត់គោលដៅលើអង្គភាព FPS មានជាប់ពាក់ព័ន្ធជាមួយក្រុមហេគឃ័រ APT ជាច្រើនដែលមានដូចជាក្រុមហេគឃ័រ APT27 ក្រុមហេគឃ័រ APT30 និង ក្រុមហេគឃ័រ APT31។ ទោះបីជាក្រសួងមិនបានផ្តល់ព័ត៌មានលំអិតបន្ថែមអំពីការវាយប្រហារនេះក៏ដោយ ក្រសួងបានបញ្ជាក់ថា ការវាយប្រហារបង្កផលប៉ះពាល់ដល់លក្ខណៈសំខាន់របស់ប្រទេសបែលហ្សិកដែលមានដូចជា អធិបតេយ្យភាព ប្រជាធិបតេយ្យ សន្តិសុខ និងសង្គម។
ទោះជាយ៉ាងណា អ្នកនាំពាក្យស្ថានទូតចិនប្រចាំប្រទេសបែលហ្សិកបានបដិសេធចំពោះការចោទប្រកាន់នេះ។
សរុបមក ការអះអាងរបស់រដ្ឋាភិបាលបែលហ្ស៊ិកអាចនឹងមិនទាន់ត្រឹមត្រូវ ប៉ុន្តែការវាយប្រហារពិតជាបានកើតឡើង និងបង្កផលប៉ះពាល់ដល់ប្រទេសជាតិ។ ដូច្នេះហើយ ក្រុមហ៊ុនឯកជនត្រូវបានស្នើឱ្យអនុវត្តតាមការដឹកនាំរបស់រដ្ឋាភិបាលសហព័ន្ធ និងអនុវត្តវិធានការការពារឱ្យបានគ្រប់គ្រាន់។ លើសពីនេះ ក្រុមហ៊ុននានាអាចកំណត់ឧបទ្ទវហេតុសាយប័រតាមអ៊ិនធឺណិតនាពេលអនាគត ជាមួយនឹងការវិនិយោគលើសន្តិសុខសាយប័រ និងរៀបចំផែនការវិធីសាស្រ្តទាំងស្រុងឆ្ពោះទៅរកការគំរាមកំហែងតាមអ៊ិនធឺណិត៕
ប្រែសម្រួល៖ប៉ោក លក្ខិណា
ប្រភពព័ត៌មាន cyware ចុះផ្សាយថ្ងៃទី២៦ ខែកក្កដា ឆ្នាំ២០២២