នាពេលថ្មីៗនេះក្រុមហ៊ុន VMware បានចេញសេចក្តីណែនាំសន្តិសុខ (VMSA-2020-0013) បន្ទាន់មួយអំពីការទប់ស្កាត់ទៅលើភាពងាយរងគ្រោះ ដើម្បីបិទចន្លោះប្រហោង (ចំណុចខ្សោយ) ចំនួនមួយ (០១) ដែលមាននៅក្នុងកម្មវិធី VMware Horizon Client សម្រាប់ប្រព័ន្ធប្រតិបត្តិការ Window។
ចំណុចខ្សោយដែលមានលេខសម្គាល់ CVE-2020-3961 ជាប្រភេទ privilege escalation ដែលមានកម្រិតសុវត្ថិភាពធ្ងន់ធ្ងរមធ្យម និងទទួលបានពិន្ទុ CVSSv3 8.4 អាចអនុញ្ញាតឱ្យអ្នកវាយប្រហារនៅក្នុងបណ្តាញអាចដំណើរការពាក្យបញ្ជាក្នុងសិទ្ធជាអ្នកកំពុងប្រើប្រាស់ប្រព័ន្ធ។
ផលិតផលប៉ះពាល់ដែលរងផលប៉ះពាល់គឺ Horizon Client for Windows ដែលមានកំណែ 5.x និងកំណែមុននេះ។ ការវាយប្រហារដោយជោគជ័យលើចំណុចខ្សោយខាងលើនេះអាចអនុញ្ញាតឱ្យអ្នកវាយប្រហារដំណើរការពាក្យបញ្ជាក្នុងសិទ្ធជាអ្នកកំពុងប្រើប្រាស់ប្រព័ន្ធ។ សូមផ្តល់អនុសាសន៍ឱ្យអភិបាលគ្រប់គ្រងប្រព័ន្ធ និងអ្នកប្រើប្រាស់ទាំងអស់ធ្វើបច្ចុប្បន្នភាពជាបន្ទាន់តាមតែធ្វើទៅបាន។ សូមធ្វើបច្ចុប្បន្នភាពទៅកំណែ 5.4.3 ៕
