ក្រោយពីលេចឮពាក្យចចាមអារ៉ាមជាច្រើនខែរួចមក Google បានធ្វើការបញ្ជាក់ជាផ្លូវការថាមុខងារ “Nearby Share” របស់ខ្លួននឹងបញ្ចេញឲ្យប្រើប្រាស់ឆាប់ៗ ដោយមានអ្នកប្រើ Android មួយចំនួនបានសាកល្បងមុខងារនេះរួចមកហើយ។
មុខងារ “Nearby Share” នេះទំនងជាមានលក្ខណៈស្រដៀងនឹង AirDrop របស់ Apple អ៊ីចឹងដែរ។ អ្នកអាចប្រើប្រាស់មុខងារនេះដើម្បីផ្ទេរឯកសាររវាងឧបករណ៍ Android បានដោយរហ័ស និងមិនបាច់ប្រើខ្សែ។
Samsung ក៏បានបង្កើតមុខងារស្រដៀងគ្នានេះឈ្មោះថា Quick Share ដែលអាចឲ្យអ្នកផ្ទេរឯកសារក្នុងល្បឿនលឿនទៅកាន់ឧបករណ៍ Samsung ដទៃបានរហូតដល់ ៥ឧបករណ៍ក្នុងពេលតែមួយ។
យ៉ាងណាមិញ ចំណុចលេចធ្លោរបស់ Nearby Share គឺវាអាចប្រើប្រាស់វាមួយស្មាតហ្វូន Android គ្រប់ម៉ាក ចំណែក Quick Share បានត្រឹមតែជាមួយឧបករណ៍ Samsung ប៉ុណ្ណោះ៕
