ក្រុមហ៊ុន LinkedIn ចាប់បានថា មានការលួចចូលមើលទិន្នន័យលើក្តារចុច ជាមួយនឹងកំណែបែតារបស់ iOS 14 ។ ក្រុមអ្នកស្រាវជ្រាវ DonCubed បានកត់សម្គាល់ឃើញថា នៅពេលដែលលោកកំពុងប្រើប្រាស់កម្មវិធី LinkedIn នៅលើ iPad Pro របស់គាត់ មានសេវាកម្មមួយកំពុងចំលងដំណើរការចុចពីលើក្តារ MacBook Pro របស់គាត់។
ទោះជាយ៉ាងណា មុខងារថ្មីជាមួយប្រព័ន្ធប្រតិបត្តិការ iOS 14 គឺផ្តល់សមត្ថភាពឲ្យមានភាពប្រសើរឡើងលើភាពឯកជនរបស់អ្នកប្រើប្រាស់ប្រព័ន្ធប្រតិបត្តិការ iOS 14 ដោយមានការជូនដំណឹងដល់អ្នកប្រើប្រាស់នៅពេលអ្នកប្រើប្រាស់បើកកម្មវិធីចូលប្រើកាមេរ៉ា ឬម៉ៃក្រូហ្វូនរបស់ពួកគេ។
ជាមួយនឹងយន្តការថ្មី @DonCubed បានរកឃើញថា LinkedIn កំពុងចម្លងមាតិកានៃ clipboard នៃដំណើរការប្រើប្រាស់ក្តារចុចទាំងអស់។ ប្រព័ន្ធប្រតិបត្តិការ iOS 14 អនុញ្ញាតឱ្យអ្នកប្រើប្រាស់មើលឃើញពីការចម្លងនៃសេចក្តីជូនដំណឹងនីមួយ។
ស្រដៀងគ្នាដែរ កាលពីពេលថ្មីៗនេះ ក្រុមហ៊ុន TikTok រកឃើញថា មានការចូលដំណើរការលើ clipboard ជារៀងរាល់ពីរឬបីវិនាទីម្តង ហើយក្រុមហ៊ុននិយាយថា ពួកគេនឹងលុបចោលនូវមុខងារនោះ។
គួរបញ្ជាក់ផងដែរថា មិនមែនមានតែកម្មវិធីរបស់ក្រុមហ៊ុន TikTok ប៉ុណ្ណោះទេ ដែលប្រឈមនឹងបញ្ហានោះ យ៉ាងណានៅមានកម្មវិធីរបស់ក្រុមហ៊ុនTwitter កម្មវិធីរបស់ក្រុមហ៊ុន Starbucks កម្មវិធី Overstock កម្មវីធី AccuWeather និងកម្មវិធីជាច្រើនទៀតដែលចម្លងយកដំណើរ ឬទិន្ន័យពី clipboard របស់អ្នកប្រើប្រាស់៕
ប្រែសម្រួល៖ ប៉ោក លក្ខិណា
ប្រភពព័ត៌មាន Gbhacker ផ្សាយថ្ងៃទី០៤ ខែកក្កដា ឆ្នាំ២០២០
