Twitter និង FBI កំពុងធ្វើការ​រួមគ្នា ក្រោយពី​មានការ​ហេ​គណនី​លោក Barack Obama និងលោក Joe Biden

0

កាលពីថ្មីៗនេះ គណនី Twitter ល្បីៗជាច្រើន​ត្រូវបាន​គេ​លួច​ចូល ក្នុងនោះ​មាន​ទាំង​គណនី​របស់លោក Biden គណនី​មហាសេដ្ឋី​ជាច្រើន និង​គណនី​ក្រុមហ៊ុន Bitcoin។  Scam បោកប្រាស់​មាន​លក្ខណៈ​ជា​ប្រតិបត្តិ​ការដែល​រីក​រាលដាល និង​ជះឥទ្ធិពល​លើ​គណនី​ច្រើន ហើយ​រហូតមក​ដល់ពេលនេះ Twitter មិនទាន់បាន​ប្រកាស​ជា​ផ្លូវការ​ពី​ផលប៉ះពាល់​នោះទេ។

Scam ឆបោក​នេះ បានធ្វើ​ប្រតិបត្តិ​ការបោក​បញ្ឆោត​លើ​អ្នកប្រើប្រាស់​ឲ្យ​ផ្ញើ​ប្រាក់​ទៅ​អាសយដ្ឋាន BTC ហើយ​ជាការ​ឆ្លើយតប​មកវិញ អ្នក​វាយប្រហារ​បាន​និយាយថា ពួកគេ​នឹង​ផ្ញើ​ការទូទាត់​ទ្វេដង។ ការ​ហេ​គនេះ​មាន​លក្ខណៈ​មិនធម្មតា ហើយ​គេ​នៅតែ​មិនដឹងថា​ការវាយប្រហារ​នោះបាន​កើតឡើង​យ៉ាងដូចម្តេច ដោយសារតែ​អ្នក​វាយប្រហារ​បាន​កាន់​កាប់​គណនី​គ្រប់គ្រង​ពេញលេញ និង​បាន​ផ្លាស់ប្តូរ​អាស័យដ្ឋាន​អ៊ី​ម៉ែ​ល​ផងដែរ។

នៅក្នុង​ការធ្វើ​បច្ចុប្បន្នភាពថ្មីៗនេះ  ក្រុមហ៊ុន Twitter បាន​និយាយថា វា​ជា​លទ្ធផល​នៃ​ការវាយប្រហារ​វិស្វកម្ម​សង្គម​ដែល​ផ្តោត​គោលដៅ​លើ​បុគ្គលិក Twitter ដែលមាន​សិទ្ធិ​ចូល​ប្រើ​ប្រព័ន្ធ និង​ឧបករណ៍​ក្នុង​ក្រុមហ៊ុន។ ក្រោយពី​រឿងនេះ​បាន​កើតឡើង​បុគ្គលិក​របស់​ក្រុមហ៊ុន​កំពុង​ពិនិត្យមើល​សកម្មភាព​ព្យាបាទ​ផ្សេងទៀត​លើ​គណនី​ជាច្រើន​ផងដែរ៕

ប្រែ​សម្រួល៖ ប៉ោក លក្ខិណា
ប្រភពព័ត៌មាន Gbhacker ផ្សាយ​ថ្ងៃទី១៦ ខែកក្កដា ឆ្នាំ២០២០

LEAVE A REPLY

Please enter your comment!
Please enter your name here