អ្នកនាំពាក្យរបស់ក្រុមហ៊ុនប្រព័ន្ធផ្សព្វផ្សាយសង្គមបាននិយាយនៅថ្ងៃព្រហស្បតិ៍ថា ក្រុមហ៊ុន Facebook Inc (FB.O) នឹងអនុញ្ញាតឱ្យនិយោជិកធ្វើការពីផ្ទះរហូតដល់ខែកក្កដា ឆ្នាំ២០២១ ដោយសារបញ្ហាឆ្លងរាលដាលនៃជំងឺកូវីដ១០ ហើយក្រុមហ៊ុននឹងផ្តល់ប្រាក់ចំនួន ១០០០ដុល្លារសម្រាប់តម្រូវការរៀបការិយាល័យនៅផ្ទះ។
ក្រុមហ៊ុននេះចូលរួមជាមួយក្រុមហ៊ុនបច្ចេកវិទ្យាធំ ៗ ផ្សេងទៀតដែលបានអនុវត្តជំហានស្រដៀងគ្នានាពេលថ្មីៗនេះ។ នៅចុងខែកក្កដា ក្រុមហ៊ុន Alphabet Inc (GOOGL.O) បាននិយាយថា ក្រុមហ៊ុននឹងអនុញ្ញាតឱ្យនិយោជិកដែលមិនចាំបាច់ធ្វើការនៅក្នុងការិយាល័យធ្វើការពីផ្ទះរហូតដល់ចុងខែមិថុនា ឆ្នាំ២០២១ ខណៈដែលក្រុមហ៊ុន Twitter Inc (TWTR.N) អនុញ្ញាតិឲ្យមានការបំពេញការងារពីចម្ងាយដោយគ្មានកំណត់ សម្រាប់បុគ្គលិកមួយចំនួនរបស់ខ្លួន។
អ្នកនាំពាក្យ Facebook និយាយនៅក្នុងសេចក្តីថ្លែងការណ៍តាមអ៊ីម៉ែលថា៖
“ ផ្អែកលើការណែនាំពីអ្នកជំនាញសុខភាព និងរដ្ឋាភិបាលក៏ដូចជាការសម្រេចចិត្តដែលបានមកពីការពិភាក្សាផ្ទៃក្នុងរបស់យើងអំពីបញ្ហាទាំងនេះ យើងកំពុងអនុញ្ញាតឱ្យនិយោជិកបន្តធ្វើការពីផ្ទះរហូតដល់ខែកក្កដា ឆ្នាំ២០២១” ។
លើសពីនេះទៀត យើងកំពុងផ្តល់ឱ្យនិយោជិកនូវប្រាក់បន្ថែមចំនួន ១០០០ ដុល្លារបន្ថែមទៀតសម្រាប់តម្រូវការរៀបចំការិយាល័យនៅផ្ទះ។
ក្រុមហ៊ុន Facebook បន្ថែមផងដែរថា ក្រុមហ៊ុននឹងបន្តបើកការិយាល័យឡើងវិញនៅក្នុងសមត្ថភាពដែលមានកម្រិត យោងតាមការអនុញ្ញាតិពីការណែនាំរបស់រដ្ឋាភិបាលនិងទីកន្លែងគ្រប់គ្រងការឆ្លងវីរុសបានរយៈពីរខែ។
ទោះយ៉ាងណា ក្រុមហ៊ុនបានបន្ថែមទៀតថា វាទំនងជាមិនមានទីតាំងជាច្រើននឹងបើកដំណើរការឡើងវិញនោះទេនៅសហរដ្ឋអាមេរិក និងអាមេរិកឡាទីនមុនដំណាច់ឆ្នាំនេះដោយសារតែចំនួននៃការឆ្លងជំងឺកូវី១៩ មានកម្រិតខ្ពស់
ប្រែសម្រួល៖ប៉ោក លក្ខិណា
ប្រភពព័ត៌មាន Reuters ផ្សាយថ្ងៃទី០៧ ខែសីហា ឆ្នាំ២០២០
