ក្រុមហ៊ុន Google និយាយថា ក្រុមហ៊ុនបានលុបចោលបណ្តាញ YouTube ច្រើនជាង ២៥០០ របស់ចិន ដែលការលុបចោលនេះជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុនក្នុងការកម្ចាត់ព័ត៌មានមិនពិតនៅលើវេទិកាចែករំលែកវីដេអូ។
ក្រុមហ៊ុននិយាយថា បណ្តាញទាំងនោះត្រូវបានដកចេញនៅចន្លោះខែមេសា និងខែមិថុនា ហើយនៅមានការស៊ើបអង្កេតដែលកំពុងបន្តរបស់ក្រុមហ៊ុនលើបណ្តាញដែលមានឥទ្ធិពលដោយមានទាក់ទងទៅនឹងប្រទេសចិន។
ក្រុមហ៊ុននិយាយនៅក្នុងព្រឹត្តិប័ត្រប្រចាំត្រីមាសមួយស្តីពីប្រតិបត្តិការផ្សព្វផ្សាយព័ត៌មានមិនពិតថា បណ្តាញទាំងនោះជាទូទៅបានផ្សព្វផ្សាយពីមាតិកាសារឥតបាន ការមិនមែននយោបាយ ប៉ុន្តែមានផ្នែកតូចមួយទាក់ទងនឹងផ្នែកនយោបាយ។
ក្រុមហ៊ុន Google មិនបានបង្ហាញពីបណ្តាញជាក់លាក់ហើយក៏មិនបានផ្តល់ព័ត៌មានលំអិតផ្សេងទៀត លើកលែងតែមានតំណភ្ជាប់វីដេអូរ ដែលត្រូវបានប្រទះឃើញនៅលើបណ្តាញសង្គមដោយ Twitter និងយុទ្ធនាការផ្សព្វផ្សាយព័ត៌មានមិនពិតដែលត្រូវបានកំណត់អត្តសញ្ញាណនៅក្នុងខែមេសាដោយក្រុមហ៊ុនវិភាគប្រព័ន្ធផ្សព្វផ្សាយសង្គម Graphika ។
ស្ថានទូតចិនប្រចាំនៅសហរដ្ឋអាមេរិកមិនបានឆ្លើយតបភ្លាមៗទៅនឹងសារដែលស្នើសុំផ្តល់យោបល់នោះទេ។ កន្លងមកទីក្រុងប៉េកាំងធ្លាប់បានបដិសេធចំពោះការចោទប្រកាន់អំពីការផ្សព្វផ្សាយព័ត៌មានមិនពិត។
ការផ្សាយព័ត៌មានមិនពិតដែលបង្កឡើងដោយតារាបរទេសបានក្លាយជាការព្រួយបារម្ភយ៉ាងខ្លាំងសម្រាប់អ្នកនយោបាយ និងអ្នកជំនាញបច្ចេកវិទ្យាអាមេរិកដូចគ្នាចាប់តាំងពីការបោះឆ្នោតប្រធានាធិបតីឆ្នាំ២០១៦ នៅពេលដែលតួអង្គដែលមានទំនាក់ទំនងជាមួយរដ្ឋាភិបាលរុស្ស៊ីបានបញ្ចេញសារបោកបញ្ឆោតចំនួនរាប់រយរាប់ពាន់ទៅក្នុងប្រព័ន្ធអេកូនៃប្រព័ន្ធផ្សព្វផ្សាយសង្គម។
គួរបញ្ជាក់ផងដែរថា មានក្រុមហ៊ុនជាច្រើនបានចំណាយពេលបួនឆ្នាំចុងក្រោយដើម្បីព្យាយាមជៀសវាងមិនឲ្យមានហេតុការណ៍កើតឡើងម្តងទៀតដូចឆ្នាំ 2016 ដោយក្នុងនោះមានក្រុមហ៊ុន Google និង Facebook ដែលតែងតែចេញផ្សាយនូវព័ត៌មានថ្មីៗអំពីរបៀបដែលពួកគេកំពុងប្រយុទ្ធប្រឆាំងនឹងការឃោសនាតាមអ៊ិនធឺរណិត។ ព្រឹត្តិប័ត្រនេះក៏បានលើកឡើងពីសកម្មភាពដូចគ្នាដែលអនុវត្តនៅប្រទេសដទៃទៀតរួមមានអ៊ីរ៉ង់ និងរុស្ស៊ី៕
ប្រែសម្រួល៖ ប៉ោក លក្ខិណា
ប្រភពព័ត៌មាន Reuters ផ្សាយថ្ងៃទី០៦ ខែសីហា ឆ្នាំ២០២០
