ប្រព័ន្ធសុវត្ថិភាពគ្រប់ឧបករណ៍ប្រើប្រាស់ ជាកត្តាចាំបាច់ដែលអ្នករាល់គ្នាត្រូវខ្វាយខ្វល់ជាប្រចាំ ដើម្បីបញ្ចៀសការវាយប្រហារលើប្រព័ន្ធអ៊ីនធឺណិត រហូតឈានដល់ការបាត់បង់ទិន្នន័យឬទង្វើគំរាមកំហែងបែបណាមួយ។ នេះគឺជាគន្លឹះក្នុងការការពារម៉ាស៊ីនកុំព្យូទ័រអ្នកកុំអោយឆ្លងមេរោគ malware ។
១.ដំឡើងនិង Update កម្មវិធីសម្លាប់មេរោគ
ដើម្បីទប់ស្កាត់ Malware កុំឲ្យឆ្លងចូលកុំព្យូទ័រ អ្នកប្រើប្រាស់មានជម្រើសច្រើនក្នុងការដំឡើងកម្មវិធី Anti-virus ប្រភេទណាមួយ ប៉ុន្តែ Microsoft បានផ្តល់ជម្រើសឥតគិតថ្លៃ Windows Defender Secutiry។ យ៉ាងណាមិញអ្នកប្រើប្រាស់ក៏ត្រូវធ្វើការ Update ជាប្រចាំ ដើម្បីទទួលការបន្ថែមមុខងារថ្មីនិងពង្រឹងប្រព័ន្ធសុវត្ថិភាពកាន់តែខ្ពស់ពីសំណាក់ Developers។
២.Update ជំនាន់ Windows ជាប្រចាំ
Hacker រមែងរុករកមធ្យោបាយថ្មី ក្នុងការបំបែកចន្លោះប្រហោងសុវត្ថិភាពនៃប្រព័ន្ធ Windows ជាមូលហេតុដែល Microsoft ព្យាយាមទប់ស្កាត់តាមការបញ្ចេញជំនាន់ Update តូចៗរៀងរាល់ថ្ងៃអង្គារ៍ ក៏ដូចជាការ Update ធំរៀងរាល់មួយឬពីរដងក្នុងមួយឆ្នាំ។ ចុចស្វែងរក Windows Update ត្រង់ទីតាំង Start Menu និងបើក Check for updates ដើម្បីដំឡើងជំនាន់ថ្មី។
៣.បើកមុខងារ Windows Firewall
មុខងារស្រាប់មកពីនាយ Firewall អាចការពារ PC របស់អ្នកពីការវាយប្រហារតាមប្រព័ន្ធអ៊ីនធឺណិត ដើម្បីបើកដំណើរការសូមចូលទៅកាន់ Windows Firewall ហើយបើក Turn On ប្រសិនឃើញពណ៌បៃតងមានន័យថាដំណើរការធម្មតា។
៤.ប្រើប្រាស់ Browser ជំនាន់ចុងក្រោយបង្អស់
កុំថាឡើយ Browser ក៏មានផ្ទុក Bugs ដូចគ្នា ចំណុចនេះហើយអ្នកត្រូវជ្រើសរើសកម្មវិធីដែលគួរឲ្យទុកចិត្ត អាចថា Google Chrome ឬ Firefox ប៉ុន្តែកុំភ្លេចស្វែងរកជំនាន់ចុងក្រោយ ព្រោះក៏មានមុខងារការពារសុវត្ថិភាពខ្ពស់ផងដែរ ឬបើកមុខងារ Automatically Update កាន់តែប្រសើរ។
៥.កុំធ្លាក់ក្នុងល្បិចកលឲ្យវាយបញ្ចូល Email
ការសួរឲ្យអ្នកវាយបញ្ចូល Login គណនី Email ចូលទៅកាន់គេហទំព័រណាមួយ ដើម្បីបញ្ជាក់ពីព័ត៌មានផ្ទាល់ខ្លួនសុទ្ធសឹងតែជាល្បិចកលបោកបញ្ឆោតរបស់ Hacker។ ចំណុចនេះ Website ដែលមិនប្រាកដប្រជាមួយចំនួន ក៏នឹងត្រូវចាប់បានពី Browser ភ្លាមៗ ប្រសិនណាជាប្រភេទ Spam Link ជាហេតុដែលអ្នកត្រូវអនុវត្តចំណុចទីបួនឲ្យបានដិតដល់។
៦.ប្រើប្រាស់ Windows Malicious Software Removal Tool
ក្រៅពី Windows Defender អ្នកក៏មានជម្រើសសាមញ្ញមួយទៀតឲ្យឈ្មោះ Malicious Software Removal Tool របស់ក្រុមហ៊ុន Microsoft ដូចគ្នា។ ជាកម្មវិធីដែលត្រួតពិនិត្យនិងចាប់បានភ្លាមៗនូវប្រភេទ Malware មួយចំនួន ពោលគឺងាយស្រួលប្រើ ប៉ុន្តែមិនបានពេញលេញដូចកម្មវិធី Anti-virus ធំៗឡើយ។
