កម្មវិធី iOS ដ៏ពេញនិយម software development kit (SDK) ប្រើនៅលើកម្មវិធីជាង ១២០០ ជាមួយនឹង ទូរស័ព្ទដៃរាប់ពាន់លាន ត្រូវបានគេរិះគន់ថាមានផ្ទុកកូដអាក្រក់ក្នុងគោលដៅប្រព្រឹត្តបទល្មើសក្លែងបន្លំ លើទូរស័ព្ទ ad-click និងទាញយកព័ត៌មានសំខាន់ៗពីអ្នកប្រើប្រាស់។
យោងតាមរបាយការណ៍បោះពុម្ពដោយក្រុមហ៊ុនសុវត្ថិភាព Snyk, Mintegral ដែលជា platform ផ្សាយពាណិជ្ជកម្មកម្មវិធីទូរស័ព្ទដៃរបស់ក្រុមហ៊ុនចិន Mobvista រួមមានសមាសភាព SDK ដែលអាច ឱ្យវាប្រមូលយក URLs, device identifiers, IP Address, operating system version, និងព័ត៌មាន រស៊ើបរបស់អតិថិជនពីកម្មវិធីសម្របសម្រួលដើម្បីបញ្ជា logging server។
iOS SDK អាក្រក់ត្រូវបាន ហៅឈ្មោះថា “SourMint” ដែលកំណត់ដោយអ្នកស្រាវជ្រាវ Snyk។ បើយោងតាមការវិភាគដោយ លោក Alyssa Miller ដែលធ្វើការនៅ Snyk បានឱ្យដឹងថា៖ ”កូដអាក្រក់អាចតាមដានសកម្មភាពអ្នក ប្រើប្រាស់ដោយសង្កេតលើសំណើ URL-based ដែលធ្វើឡើងតាមរយៈកម្មវិធី“ ។ ”សកម្មភាពនេះត្រូវ បានកត់ត្រាទុកទៅកាន់ម៉ាស៊ីនមេរបស់បុគ្គលទីបី និងអាចមានជាអត្តសញ្ញាណផ្ទាល់ខ្លួន (PII) និង ព័ត៌មានសំខាន់ៗរបស់អ្នកប្រើប្រាស់” ។
ការចុចផ្សាយពាណិជ្ជកម្មរបស់អ្នកប្រើប្រាស់៖ បានរៀបរាប់ថា SDK មានផ្ទុកការការពារប្រឆាំងនឹង មេរោគមួយចំនួន ក្នុងគោលបំណងលាក់សកម្មភាពពិតនៃកម្មវិធីរបស់ខ្លួន Snyk បានបង្ហាញថា Mintergral SDK មិនបានស្ទាក់ចាប់ការចុចផ្សាយពាណិជ្ជកម្ម (ad clicks) នៅក្នុងកម្មវិធីទេ ប៉ុន្តែបាន ប្រើព័ត៌មាននេះ ទៅបោកបញ្ជោដើម្បីចុចតភ្ជាប់បណ្តាញផ្សាយពាណិជ្ជកម្មទៅវិញ ទោះបីក្នុងករណី មានការប្រកួតប្រជែងផ្សាយពាណិជ្ជកម្មក៏ដោយ វានៅតែបម្រើសេវាផ្សាយពាណិជ្ជកម្ម។
ព័ត៌មានត្រូវបានតាមដានរួមមាន៖ OS Version, IP Address, charging state, Mintegral SDK version, network type, model, package name, advertising identifier (IDFA ឬ identifier សម្រាប់អ្នកផ្សាយ) …។ល។
ក្រុមហ៊ុន Apple បានណែនាំពីលក្ខណៈពិសេសភាពឯកជននៅក្នុងកម្មវិធី iOS 14 ដែលបានផ្តល់ ដោយក្រុមហ៊ុនថា វាមានសុវត្ថិភាពសម្រាប់អ្នកប្រើប្រាស់ និងពិបាកសម្រាប់ហេគឃ័រក្នុងការតាមដាន សកម្មភាពអ្នកប្រើ និងមានភ្ជាប់ការស្នើសុំការយល់ព្រមពីអ្នកប្រើដើម្បីផ្តល់សេវាផ្សាយពាណិជ្ជកម្ម៕
ប្រភពព័ត៌មាន៖ ថ្ងៃទី២៥ ខែសីហា ឆ្នាំ២០២០
ប្រែសម្រួលដោយ៖ កញ្ញា
