កាលពីសប្តាហ៍មុន អាជ្ញាធរអាឡឺម៉ង់ បានបង្ហើបប្រាប់ពីការវាយប្រហាររបស់មេរោគនៅសាលាពេទ្យ Dusseldorf (UKD) ប៉ះពាល់ដល់ប្រព័ន្ធ IT ហើយបណ្តាលឱ្យស្ត្រីម្នាក់ស្លាប់នៅពេលបញ្ជូនទៅសង្គ្រោះ នៅមន្ទីរពេទ្យមួយទៀតដែលនៅក្បែរនោះចម្ងាយប្រហែល ២០ miles។
ឧបទ្ទវហេតុនេះគឺជាកំណត់ត្រាដំបូងបំផុតដែលបណ្តាលឱ្យមនុស្សស្លាប់ដោយសារការវាយប្រហារ តាមអ៊ីនធឺណិត នៅមណ្ឌលសុខភាព។ ការវាយប្រហារត្រូវបានរកឃើញថាមកពីបញ្ហា Citrix ADC CVE-2019-19781 ធ្វើឱ្យប្រព័ន្ធមន្ទីរពេទ្យមិនអាចដំណើរការបានកាលពីថ្ងៃទី១០ ខែកញ្ញា វាបាន ”ដំណើរការខុសទិសដៅ” ពីប្រភពរបស់សកលវិទ្យាល័យ Heinrich Heine University បើយោងតាម សារជំរិតទារប្រាក់ដែលបានបន្សល់ទុកដោយជនល្មើស។ បន្ទាប់ពីអាជ្ញាធរបានទាក់ទងទៅជនល្មើស និងដឹងថាប្រព័ន្ធមន្ទីរពេទ្យត្រូវបានអ៊ីនគ្រីប ប្រតិបត្តិកររបស់ហេគឃ័របានបញ្ឈប់ការជំរិត និងផ្តល់ ឌីគ្រីបឃី (decrypted key) ទៅមន្ទីរពេទ្យវិញ។
បញ្ហានៃ Unpatched បានបើកផ្លូវ (gateway) ឱ្យមេរោគចូលវាយប្រហារបាន៖ ទោះបីហេគឃ័របាន ថ្លែងនៅពេលថ្មីៗនេះថា ពួកគេនឹងមិនវាយប្រហារទៅលើមន្ទីរពេទ្យ ឬមណ្ឌលសុខភាពក៏ដោយ ការ វាយប្រហារនៅតែកើតឡើងដដែលៗ ហើយធ្វើឱ្យប៉ូលីសស៊ើបអង្កេតបារាំងបានចេញសារដាស់តឿន មន្ទីរពេទ្យឱ្យមានការប្រុងប្រយ័ត្នដោយការពារប្រព័ន្ធសំខាន់ៗនៅក្នុងអង្គភាពរបស់ខ្លួន ដើម្បី ជៀសវាងការជំរិតទារប្រាក់ពីជនល្មើស។ អត្តសញ្ញាណទន់ខ្សោយ និងភាពងាយរងគ្រោះ VPN បាន បើកដៃឱ្យហេគឃ័រចូលវាយលុកទៅក្នុងប្រព័ន្ធ (internal network) របស់អង្គភាពបានយ៉ាងងាយ ហើយភ្នាក់ងារសន្តិសុខអាមេរិក និងអង់គ្លេសបានផ្សព្វផ្សាយពីគុណវិបត្តិនេះ។
ការរីករាលដាននៃមេរោគ Ransomware: បញ្ហានៃមេរោគមើលទៅកាន់តែអាក្រក់ យោងតាមការ ប្រមូលទិន្នន័យដោយ Temple University’s CARE cybersecurity lab បានបង្ហាញថាព័ត៌មានសរុប ចំនួន ៦៨៧ ត្រូវបានបង្ហាញជាសាធារណៈនៅអាមេរិកកាលពីឆ្នាំ២០១៣ រីឯឆ្នាំ២០១៩ និង២០២០ មានអ្នករងគ្រោះជាង៤៤០ ត្រូវបានរាយការណ៍។ ស្ថាប័នរដ្ឋាភិបាល សាលារៀន និងមន្ទីរពេទ្យជា ទូទៅរងការវាយប្រហារជាញឹកញយ។ នៅឆ្នាំ២០២០ គ្មានសញ្ញាណាបញ្ជាក់ថាការវាយប្រហារទៅ លើសាលារៀនថយចុះនោះទេ។
ប្រភពព័ត៌មាន៖ ថ្ងៃទី២១ ខែកញ្ញា ឆ្នាំ២០២០
ប្រែសម្រួលដោយ៖ កញ្ញា
