អ្នកស្រាវជ្រាវសន្តិសុខព័ត៌មានដែលគេស្គាល់ថាជា Patrik Wardle បានរាយការណ៍ពីការរកឃើញ មេរោគ malware មួយប្រភេទ ដែលត្រូវបានបង្កើតឡើងដើម្បីវាយប្រហារលើឧបករណ៍ Apple ជំនាន់ ថ្មី ដោយប្រើ M1 chip ដែលជាការអភិវឌ្ឍដ៏ទំនើបមួយរបស់ក្រុមហ៊ុន។
អ្នកជំនាញបានថ្លែងថា ហេគឃ័រកំពុងតែដាក់បញ្ចូលមេរោគ malware នេះដើម្បីវាយប្រហារឧបករណ៍ Mac ដោយប្រើលក្ខណៈពិសេសនៃដំណើរការរបស់ពួកគេ។ នៅក្នុងករណីនេះ Wardle បានបញ្ជាក់ពី សកម្មភាពគួរឱ្យសង្ស័យនៅក្នុង GoSearch22 ដែលមាន extension សម្រាប់ Safari browser សម្រាប់ Intel x86 computers ដែលអាចដំណើរការ M1 chip។
Wardle ថ្លែងថា “this binary ត្រូវបានរកឃើញ និងបញ្ជូនតាមរយៈ tool អាក្រក់។ តាមការអង្កេតពី លទ្ធផលនៃការរកឃើញ យើងអាចសន្និដ្ឋានបានថា GoSearch22 ជាកម្មវិធីមួយនៃ Pirrit adware”។
Extension អាក្រក់ត្រូវបានកំណត់ជាមួយនឹង Apple Developer ID ដើម្បីធ្វើឱ្យពិបាកស្វែងរកលក្ខណៈ អាក្រក់។ សកម្មភាពនៅលើឯកសារ “hongsheng_yan” ត្រូវបានលុប។ Wardle បន្ថែមថា Pirrit គឺជា កម្មវិធីមួយដែលគេទើបតែរកឃើញប្រហែលជា២ខែមុននេះ។ Pirrit មានសមត្ថភាពប្រមូលយក ទិន្នន័យសំខាន់ៗ សម្រាប់ browsing និងផ្សាយពាណិជ្ជកម្មអាក្រក់ រួមមាន banners និង pop-up។
Wardle បានសន្និដ្ឋានថា GoSearch22 អាចត្រូវបានចាត់ទុកថាជាមេរោគដំបូងដែលមានសមត្ថភាព M1 សម្រាប់មូលហេតុដូចខាងក្រោម៖
- កូដអាក្រក់នេះ បង្ហាញការវិវត្តរបស់វាដើម្បីឆ្លើយតបនឹងការផ្លាស់ប្តូររបស់ hardware និង software។ មានអត្ថប្រយោជន៍ជាច្រើននៅក្នុងការបែងចែក native arm64 binaries ដែល កំពុងតែប្រាប់ទៅដល់ហេគឃ័រ។
- ឧបករណ៍ static scanning tools ឬកម្មវិធីកម្ចាត់មេរោគ អាចនឹងមានបញ្ហាជាមួយនឹង arm64 binaries។ នៅក្នុងការពិសោធន៍ថ្មីៗនេះ Wardle បានបែងចែក x86_64 និង arm64 binaries ចេញពី GoSearch22 universal binary (ដោយប្រើ macOS’s build in lipo utility)។
Wardle បានបន្ថែមថា ឧបករណ៍ static scanning tools ឬកម្មវិធីកម្ចាត់មេរោគ ប្រឈមនឹងភាពលំបាក ក្នុងការចាប់យក ARM64 binaries ដែលបង្ហាញការពិតពីអាត្រានៃការរកឃើញមេរោគនេះថាមាន ភាគរយទាប បើប្រៀបធៀបនឹង intel x86_64៖ “ប្រព័ន្ធ M1 ថ្មី ផ្តល់នូវអត្ថប្រយោជន៍ច្រើន និងធ្វើឱ្យ arm64 code ដំណើរការលឿន។ យើងចង់បង្ហាញថាអ្នកអភិវឌ្ឍមេរោគបានដាក់បញ្ចូលកូដ arm64 ទៅក្នុងកូដរបស់ពួកគេ ដើម្បីឱ្យ native binary ស្គាល់ hardware ជំនាន់ថ្មីរបស់ Apple” នេះបើយោង តាមការសន្និដ្ឋានរបស់អ្នកជំនាញ៕
ប្រភពព័ត៌មាន៖ security newspaper ថ្ងៃទី១៩ ខែកុម្ភៈ ឆ្នាំ២០២១
ប្រែសម្រួលដោយ៖ កញ្ញា
