ជារៀងរាល់ថ្ងៃ វាមានព័ត៌មាននៃការបែកធ្លាយទិន្នន័យដែលបន្តកើនឡើងគ្មានពេលល្ហែរនោះទេ។ កាលពីឆ្នាំមុន គណនីរាប់ពាន់លានដែលយកមកពីគេហទំព័រ និងសេវាកម្មល្បីៗដូចជា LinkedIn, Tumblr, MySpace, Last.FM, Yahoo!, VK.com ត្រូវបានទម្លាយនៅលើអ៊ីនធើណិត។ ពេលនេះ របាយការណ៍ថ្មីមួយទៀតបានទម្លាយនូវឯកសារសម្ងាត់ Login និងទិន្នន័យផ្ទាល់ខ្លួនរបស់គណនី Yahoo និង Gmail ច្រើនជាង 1 លានដែលកំពុងតែដាក់លក់នៅលើទីផ្សារបណ្តាញងងឹត (Dark Web) ។
គណនីអនឡាញជាច្រើនដែលដាក់នៅក្នុងបញ្ជីលក់នៅលើបណ្តាញងងឹត (Dark Web) នេះមានផ្ទុកនូវឈ្មោះអ្នកប្រើប្រាស់ អ៊ីម៉ែល និងលេខសម្ងាត់។ គណនីទាំងអស់នេះមិនមែនជាការបែកធ្លាយទិន្នន័យតែមួយនោះទេប៉ុន្តែវាមានការវាយប្រហារ Cyber-Attacks ធំៗជាច្រើន។
Here’s the Full List of Accounts and their Prices
- ទិន្នន័យគណនី Yahoo ចំនួន 100,000 ទទួលបានពី FM ឆ្នាំ 2012 ដាក់លក់នៅក្នុងតម្លៃ 10.76 ដុល្លារ
- ទិន្នន័យគណនី Yahoo ចំនួន 145,000 ទទួលបានពីប្រភពបែកធ្លាយ 2 ផ្សេងគ្នា – Adobe ឆ្នាំ 2013 និង MySpace ឆ្នាំ 2008 ដាក់លក់នៅក្នុងតម្លៃ 75 ដុល្លារ
- ទិន្នន័យគណនី Gmail ចំនួន 500,000 ទទួលបានពី MySpace ឆ្នាំ 2008, Tumblr ឆ្នាំ 2013 និង Bitcoin Security Forum ឆ្នាំ 2014 ដាក់លក់នៅក្នុងតម្លៃ 24 ដុល្លារ
- ទិន្នន័យគណនី Gmail ចំនួន 450,000 ទទួលបានពីប្រភពបែកធ្លាយជាច្រើនដូចជា Dropbox, Adobe, និងជាច្រើនទៀតនៅចន្លោះឆ្នាំ 201០ ដល់ 2016 ដាក់លក់នៅក្នុងតម្លៃ 76 ដុល្លារ
ទិន្នន័យរបស់ Last.FM ត្រូវបានបែកធ្លាយនៅក្នុងឆ្នាំ 2012 ទម្លាយគណនីអ្នកប្រើប្រាស់ចំនួន 43 លានត្រូវបានចែកចាយជាសាធារណៈនៅក្នុងខែកញ្ញា ឆ្នាំមុននេះ។
ទិន្នន័យរបស់ Adobe ចាប់តាំងពីខែតុលា ឆ្នាំ 2013 ត្រូវបានបែកធ្លាយគណនីចំនួន 153 លានដែលមាន IDs, Usernames, Emails, Encrypted Passwords ។
ទិន្នន័យរបស់ MySpace ត្រូវបានបែកធ្លាយនៅក្នុងឆ្នាំ 2008 ទម្លាយគណនីអ្នកប្រើប្រាស់ចំនួន 360 លានត្រូវបានចែកចាយនៅលើបណ្តាញងងឹត (Dark Web) នៅក្នុងឆ្នាំ 2016 ដែលមានដូចជា Usernames, Emails និង Decrypted Passwords ។
គណនីរាប់លានរបស់ Gmail ដែលមាន Usernames, Emails និង Passwords ត្រូវបានគេលួច និងទម្លាយនូវទិន្នន័យជាច្រើនទៀតរបស់ Bitcoin Security Forum, Tumblr, Last.fm, 000webhost, Adobe, Dropbox, Flash Flash Revolution, LookBook និង Xbox360 ISO ដែលកើតឡើងរវាងឆ្នាំ 2008 និងឆ្នាំ 2016 ។
