សូមកុំធ្វើការតម្លើងនូវ Patches របស់ក្រុមហ៊ុនបច្ចេកវិទ្យា Intel សម្រាប់ចំណុចរងគ្រោះនៃ Spectre និង Meltdown chip ។ នៅថ្ងៃច័ន្ទនេះ ក្រុមហ៊ុនបច្ចេកវិទ្យា Intel ព្រមានថា លោកអ្នកគួរតែបញ្ឈប់នូវការធ្វើបច្ចុប្បន្នភាពនៃ Spectre/Meltdown patches ដែលជារបស់លោក Linus Torvalds សម្រាប់ប្រព័ន្ធប្រតិបត្តិការ Linux នោះ។
Spectre និង Meltdown គឺជាចំណុចរងគ្រោះសុវត្ថិភាពដែលត្រូវបង្ហាញដោយអ្នកស្រាវជ្រាវជាច្រើននៅដើមខែនេះនៅក្នុងបន្ទះឈីប Processor ជាច្រើនរបស់ក្រុមហ៊ុន Intel, ARM និង AMD ដែលប្រើប្រាស់នៅលើ PCs, Servers និងស្មាតហ្វូនដែលអនុញ្ញាតឱ្យអ្នកវាយប្រហារធ្វើការលួចនូវលេខសម្ងាត់ (Passwords) លេខ Encryption Keys និងព័ត៌មានសម្ងាត់ជាច្រើនទៀត។
កាលពីសប្តាហ៍មុននេះ អ្នកប្រើប្រាស់ជាច្រើននាក់រាយការណ៍ថា ពួកគេប្រឈមមុខទៅនឹងបញ្ហាជាច្រើនដូជជាការ Reboots ក្នុងពេលដំណាលគ្នាទៅលើប្រព័ន្ធដំណើរការនៅលើកុំព្យូទ័រដែលឆ្លងមេរោគរបស់ពួកគេបន្ទាប់ពីការធ្វើការតម្លើងទៅលើ Spectre/Meltdown patch ដែលបញ្ចេញដោយក្រុមហ៊ុន Intel នោះ។
គួរបញ្ជាក់ផងដែរថា ក្រុមហ៊ុនបច្ចេកវិទ្យា Intel ក៏ផ្តល់នូវការណែនាំទៅកាន់ក្រុមហ៊ុនផលិតឧបករណ៍អេឡិចត្រូនិក ក្រុមហ៊ុនបង្កើតនូវប្រព័ន្ធ Systems ក្រុមហ៊ុនផ្គត់ផ្គង់ Software រួមទាំងអ្នកប្រើប្រាស់ End-User អោយធ្វើការបញ្ឈប់ទៅលើការតម្លើងនូវ Patches របស់ខ្លួនរហូតទាល់តែក្រុមហ៊ុនបញ្ចេញនូវ Patches ថ្មីសម្រាប់ដោះស្រាយបញ្ហានេះសារជាថ្មីម្តងទៀត៕
