មានរឿងជាច្រើនកាលពីឆ្នាំមុនអំពីកម្មវិធីដែលមានបញ្ហា ឬគ្មានសុវត្ថិភាពដែលកើតឡើងលើទូរស័ព្ទ Android តាមរយៈ Google Play store ។ នៅក្នុងសេចក្តីប្រកាសមួយកាលពីដើមសប្តាហ៍នេះ Google បានប្រកាសថា កាលពីឆ្នាំមុន ពួកគេបានលុបចោលកម្មវិធីអាក្រក់ចំនួន ៧០០,០០០ ហើយបានបញ្ឈប់អ្នកបង្កើតកម្មវិធីមិនល្អចំនួន ១០០,០០០ នាក់ពីការចែករំលែកកម្មវិធីរបស់ពួកគេនៅលើ Google Play store ដែលកើនឡើងជាង៧០% ធៀបនឹងឆ្នាំ ២០១៦ ។
Google ចាត់ថ្នាក់ ‘កម្មវិធីមិនល្អ’ ជាកម្មវិធីដែលមានមាតិកាមិនសមរម្យ (ដូចជារូបភាពអាសអាភាស) ការតំឡើងកម្មវិធីមេរោគនៅលើប្រព័ន្ធប្រតិបត្តិការគោលដៅ ការលួចទិន្នន័យឬជាលួចចម្លងកម្មវិធីដែលមានភាពស្របច្បាប់។
កាលពីខែសីហាកន្លងទៅនេះ Google បានប្រកាសថា Google Play Protect នឹងបញ្ឈប់ការកើនឡើងនូវកម្មវិធីមិនល្អដែលបង្ហាញនៅក្នុង Google Play ។ Google Play Protect ប្រើម៉ាស៊ីនដើម្បីសិក្សា និងកំណត់ពីប្រភេទលក្ខណះនៃកម្មវិធីមិនល្អ ។
យើងបានរាយការណ៍អំពីកម្មវិធីមិនល្អមួយចំនួននៅក្នុងប្រព័ន្ធអេកូប្រព័ន្ធប្រតិបត្តិការ Android កាលពីឆ្នាំមុន: មួយចំនួនជាកម្មវិធីដែលមានមេរោគ ជាការផ្សាយពាណិជ្ជកម្មដែលតែងតែលលោតឡើង កម្មវិធីផ្សេងទៀតដែលបានប្រើមេរោគដូចជា SonicSpy ដើម្បីលួចទិន្នន័យឯកជនពីអ្នកប្រើរបស់ពួកគេ និងជាកម្មវិធីផ្សេងទៀតដូចជា ransomwareនៅលើទូរស័ព្ទដើម្បីលួចទិន្នន័យ។ កម្មវិធីទាំងនេះជាញឹកញាប់ក្លែងបន្លំជាកម្មវិធីស្របច្បាប់ និងពេញនិយមដូចជា WhatsApp និង Pokemon GO ដើម្បីបញ្ចុះបញ្ចូលអ្នកប្រើប្រាស់ដើម្បីទាញយកនិងដំឡើងពួកវាដែលនេះជាមូលហេតុដែលកម្មវិធីចម្លងមិនគ្រាន់តែជាបញ្ហាកម្មសិទ្ធិបញ្ញានោះទេ។
អ្វីដែលត្រូវធ្វើ?
- តាមដាន Google Play ។ នៅក្នុងការបង្ហាញ Google បានសរសេរថា ៩៩% នៃកម្មវិធីដែលមានមាតិកាបំពានត្រូវបានរកឃើញនិងលុបចេញមុនពេលដែលអ្នកណាម្នាក់ទាញយកវា។ ប៉ុន្តែ នៅតែមានកម្មវិធីអាក្រក់ជាង ៧,០០០ កាលពីឆ្នាំមុន ដែលអាចទាញយកដោយសុវត្ថិភាពពី Google Play store ជាជាងការទាញយកពីកម្មវិធីផ្សេងទៀតនៅលើអ៊ីនធឺណិត។ មានទីផ្សាជម្រើសជាច្រើនទៀតដែលអាចទាញយកកម្មវិធីដោយឥតគិតថ្លៃដែលអ្នកបង្កើតកម្មវិធីទាំងអស់អាចផ្ទុកកម្មវិធីដែលពួកគេចង់បាន។
•ពិចារណាការប្រើប្រាស់កម្មវិធីប្រឆាំងនឹងមេរោគរបស់ Android ។ វាអាចទប់ស្កាត់ការដំឡើងកម្មវិធីដែលមានមេរោគ និងគ្មានប្រយោជន៍ ហើយថែមទាំងអាចការពារការលួចចូលទៅក្នុង Play Store ។
•ជៀសវាងកម្មវិធីដែលមិនសូវមានគេប្រើ។ ប្រសិនបើគ្មាននរណាម្នាក់ដឹងពីកម្មវិធីថ្មីនេះនៅឡើយទេ កុំទាន់ដំឡើងវានៅលើទូរស័ព្ទការងារ ព្រោះអ្នកជំនាញបច្ចេកវិទ្យាអាចនឹងមិនទាន់ចេះពីរបៀបជួសជុលវា។
•កែប្រែអោយបានលឿន និងញឹកញាប់។ នៅពេលទិញទូរស័ព្ទថ្មី សូមពិនិត្យមើលពីការធ្វើបច្ចុប្បន្នភាព និងល្បឿនដែលការកែប្រែមកដល់។
