សេវាកម្ម FaceTime របស់ Apple ត្រូវបានប្រទះឃើញថាមានចន្លោះប្រហោង ដោយនៅពេលអ្នកតេទៅនរណាម្នាក់តាម FaceTime អ្នកនឹងអាចឮសំឡេងពីម្ខាងទៀត ទោះបីគេមិនទាន់ចុចទទួល ឬចុចបិទក្ដី។
តបនឹងបញ្ហានេះ Apple បានបិទដំណើរការមុខងារ Group FaceTime នៃសេវាកម្ម FaceTime ជាបណ្ដោះអាសន្ន ដោយសន្យាថានឹងបញ្ចេញកំណែទម្រង់ដោះស្រាយបញ្ហានៅចុងសប្ដាហ៍នេះ។ យ៉ាងណាក្ដី Apple មិនបាននិយាយលម្អិតលើភាពចន្លោះប្រហោងនេះទេ។
គួរដឹងថាបញ្ហាចន្លោះប្រហោងនេះទំនងជាកើតមានតែនៅលើឧបករណ៍ iOS ដែលដំណើរការដោយប្រព័ន្ធប្រតិបត្តិការ iOS 12.1 ឡើងទៅប៉ុណ្ណោះ៕
