តាមការសិក្សាស្រាវជ្រាវដែលទើបចេញផ្សាយរបាយការណ៍ នៅលើទស្សនាវដ្ដីFamily Medicine និង Primary Care បានបង្ហាញថាចន្លោះពីខែតុលាឆ្នាំ២០១១ដល់ខែវិច្ឆិកាឆ្នាំ២០១៧ មានមនុស្ស២៥៩នាក់បានស្លាប់បាត់បង់ជីវិត ដោយសារតែការថតសែលហ្វី ដោយចំនួនមនុស្សស្លាប់ភាគច្រើនគឺនៅក្នុងប្រទេសឥណ្ឌា។ តាមពីក្រោយប្រទេសឥណ្ឌាមាននៅរុស្ស៊ី អាមេរិក និងប៉ាគីស្ថាន។
របាយការណ៍បង្ហាញថា ក្នុងឆ្នាំ២០១១មានមនុស្សស្លាប់៣នាក់ ២០១៣ស្លាប់២នាក់ ២០១៤ ស្លាប់១៣នាក់ ២០១៥ស្លាប់៥០នាក់ ២០១៦ស្លាប់៩៨នាក់ និង២០១៧ស្លាប់៩៣នាក់។ ការស្រាវជ្រាវបង្ហាញថា ក្នុងចំណោមមនុស្សស្លាប់ទាំងអស់ ៧២.៥ភាគរយជាបុរសនិង២៧.៥ភាគរយជាស្ដ្រី មានអាយុក្រោម៣០ឆ្នាំ។ តាមតួលេខនេះសបញ្ជាក់ថា បុរសហ៊ានថតរូបនៅកន្លែងគ្រោះថ្នាក់ច្រើនជាងស្ដ្រី។ ករណីលង់ទឹក គ្រោះថ្នាក់នៅលើមធ្យោបាយដឹកជញ្ជូន ធ្លាក់ពីលើទីខ្ពស់ៗ មានច្រើនករណីជាងគេក្នុងគ្រោះថ្នាក់ដែលបណ្ដាលឲ្យមនុស្សស្លាប់ដោយសារការថតសែលហ្វីនេះ៕
