គ្រាប់រ៉ុក្កែតថ្មីមួយដែលមានប្រព័ន្ធ 3D នឹងបញ្ជូនផ្កាយរណបតូចៗ ទៅគន្លងផែនដីនឹងផ្ទុះចេញពី ចក្រភពអង់គ្លេស នៅឆ្នាំ២០២១ ព្រោះម៉ាស៊ីនរ៉ុក្កែតត្រូវបាន ពិពណ៌នាដោយក្រុមហ៊ុនថា ជាម៉ាស៊ីនដែលមានទំហំ ធំជាងគេបំផុតនៅលើពិភពលោក ហើយត្រូវបានរចនាឡើងដើម្បី កាត់បន្ថយការបញ្ចេញកាបូន នេះបើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមហ៊ុនអវកាសអវកាសអង់គ្លេស Orbex មានគម្រោងបើកការិយាល័យ កណ្តាលរបស់ខ្លួន និងកន្លែងរចនាគ្រាប់រ៉ូកែតនៅ Sutherland ក្នុងតំបន់ខ្ពង់រាបស្កុតឡេន ។ មូលដ្ឋាននៅ Forres ដែលជាកន្លែងដែលពួកគេ បានបង្ហាញរ៉ុក្កែតនោះនឹងនាំ មកនូវការងារជាង១៣០ កន្លែងនៅក្នុងតំបន់។
Prime ត្រូវបានគេរចនាឡើងដើម្បីនាំ ផ្កាយរណបចូលទៅក្នុងគន្លងរបស់ ភពផែនដីរហូតដល់កម្ពស់រហូតដល់ ១,២៥០គីឡូម៉ែត្រ។ ផលិតពីជាតិសរសៃកាបោន ដែលមានទម្ងន់ស្រាល រចនាឡើងយ៉ាងពិសេស និងសមាសធាតុអាលុយ មីញ៉ូមម៉ាស៊ីន Prime របស់វាស្អាតជាងការ ដឹកជញ្ជូនអវកាសធម្មតា។
វាត្រូវបានគេរចនាឡើង ដើម្បីធ្វើការជាមួយជីវឧស្ម័ន ដែលជាប្រភពប្រេងដែល អាចកកើតឡើងវិញបាន ដែលអាចកាត់បន្ថយ ការបញ្ចេញកាបូនបាន ៩០ភាគរយ។ ក្រុមហ៊ុននេះបានអះអាងថា ប្រេងឥន្ធនៈនេះអាចកកើតឡើងវិញបាន ១០០ភាគរយ និងកាត់បន្ថយការបញ្ចេញកាបូន ៩០ភាគរយ។ Prime នឹងធ្វើការហោះហើរជាលើកដំបូង របស់ខ្លួនពីប្រទេសស្កុត ឡេននៅឆ្នាំ២០២១ នៅពេលដែលវានឹងទទួលបាន ការពិសោធន៏ពីក្រុមហ៊ុន Surrey Satellite Technology Ltd (SSTL) ដែលផលិតផ្កាយរណបតូចៗ ។
លោក Graham Turnock នាយកប្រតិបត្តិនៃទីភ្នាក់ងារ អវកាសចក្រភពអង់គ្លេស ដែលជាផ្នែកមួយផ្តល់មូលនិធិ ដល់អវកាសយានិកបាននិយាយថា មជ្ឈមណ្ឌលរចនាគ្រាប់រ៉ុកកែតថ្មីរបស់ Orbex នឹងនាំយកចក្រភពអង់គ្លេស ឲ្យកាន់តែជិតស្និទ្ធទៅនឹងសមត្ថភាព នៃការបើកដំណើរការពាណិជ្ជកម្ម ក្នុងស្រុកផ្ទាល់របស់ខ្លួន ៕
