រដ្ឋាភិបាល​វៀតណាម​សាកល្បង​ផ្តល់​ទិដ្ឋាការ E-Visa ដល់​ប្រទេស​ចំនួន៣៥

0

យោងតាម​សេចក្តីបង្គាប់ថ្មីមួយ​របស់រដ្ឋាភិបាល​វៀតណាម ពលរដ្ឋមក​ពីប្រទេស​ចំនួន ៣៥ នឹងមាន​​សិទ្ធិ​​​ស្នើសុំ​ទិដ្ឋាការបែបអេឡិចត្រូនិច​ ដែលគេហៅថា E-Visa នៅក្រោម​កម្មវិធី​សាកល្បងមួយ។ នេះបើតាម​ការដកស្រង់ការផ្សាយចេញ​ពី​​សារព័ត៌មាន​វៀតណាម VnExpress នៅរសៀល​ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩។

ដោយចាប់​ផ្តើមពីថ្ងៃទី០១ ខែកុម្ភៈ​តទៅ វៀតណាមនឹងផ្តល់ទិដ្ឋាការ​អេឡិចត្រូនិចដល់​ប្រជាពលរដ្ឋមកពី ៣៥ប្រទេស ក្នុង​នោះ​រួម​មាន​​អូស្រ្តាលី ប៊ែលហ្សិក ប្រេស៊ីល ចិន ក្រូអាត ម៉ិចស៊ីកូ កាតា ប៉ាពួញូហ្គីណេ និងនូវែលសេឡង់ជាដើម នៅក្រោមកម្ម​វីធី​​សាក​​ល្បង​មួយ ដែលមានរយៈពេល ០២ឆ្នាំ។

ជាមួយគ្នានេះ ច្រកទ្វារព្រំដែន Tay Trang នៅខេត្ត Dien Bien ភាគខាងជើង, Na Meo នៅខេត្ត Thanh Hoa ភាគកណ្តាល, La Lay នៅខេត្ត Quang Tri ភាគកណ្តាល ព្រមទាំងកំពង់ផែ Duong Dong នៅខេត្ត Kien Giang ភាគខាងត្បូង និងផែ Chan May នៅខេត្ត Thua Thien Hue កណ្តាល ក៏នឹងអនុញ្ញាតឲ្យមានការធ្វើ​អន្តោប្រវេសន៍តាម E-Visa ផងដែរ។ បច្ចុប្បន្ន​ច្រកព្រំដែន​​សរុបចំនួន ១៦ និងផែចំនួន ០៩ នៅវៀតណាម អនុញ្ញាតឲ្យ​ជនបរទេស​ចូលមកក្នុងប្រទេសអាស៊ាន​នេះ តាម E-Visa។

គួរជម្រាបថា វៀតណាម ដែលទទួលបានភ្ញៀវទេសចរ​​បរទេស​ប្រហែល ១៥.៥លាននាក់ កាលពីឆ្នាំ២០១៨ កំពុងខិតខំព្យាយាម​​ស្រូបយកអ្នកទេសចរ​​អន្តរជាតិឲ្យ​បាន ​១៨លាននាក់ នៅក្នុងឆ្នាំ២០១៩នេះ៕

LEAVE A REPLY

Please enter your comment!
Please enter your name here