Facebook បាន​បន្ថែម​មុខងារ “Message Replies” នៅ​ក្នុង​កម្មវិធី​ Messenger ហើយ

0

Facebook គឺជាបណ្ដាញសង្គមមួយ ដែលនាំមនុស្សលោកទាំងជិតឬឆ្ងាយ អោយមានទំនាក់ទំនងល្អ មិនថានៅទីណាឡើយ អោយ​តែ​មានសេវាអ៊ីនធឺណិត យើងអាចទំនាក់ទំនងគ្នា បានតាមរយៈបណ្ដាញសង្គម យក្សមួយនេះ។ Facebook ក៏មានមុខងារ ជា​ច្រើន​ផ្សេងៗទៀត ដែលតែងតែចេញថ្មី ពីមួយជំនាន់ទៅមួយជំនាន់ ហើយនៅពេលថ្មីៗនេះ Facebook ក៏នឹងនាំយកមុខងារថ្មីមួយទៀត ដូចទៅមុខងារមួយ នៅក្នុង Telegram ដែរ។

សម្រាប់មុខងារដែលខាង Facebook ត្រៀមទម្លាក់ចូលក្នុងកម្មវិធី Facebook Messenger នេះ គឺគេអោយឈ្មោះថា “Message Replies” ហើយលក្ខណៈពិសេសរបស់វា អនុញ្ញាតអ្នកលេងឆាត ក្នុងក្រុមអាចធ្វើការឆ្លើយតបសារជាពិសេស ទៅកាន់នរណាម្នាក់ ដែលអ្នកចង់ Reply។ លើសពីនេះ វាពិតជាអាចជួយអោយការលេងសារនៅក្នុងក្រុម កាន់តែមានភាពងាយស្រួល ក្នុងការ​ប្រាស្រ័យ​ទាក់ទងគ្នា និងធ្វើអោយម្នាក់ក្នុងចំនោមមនុស្សក្នុងក្រុមនោះ កាន់តែងាយស្រួលប្រាប់ពីអ្វី ដែលអ្នកកំពុងឆ្លើយតប ឬសួរនាំផ្សេងៗ មិនអោយចំឡំគ្នា។ ដើម្បីប្រើប្រាស់លក្ខណៈពិសេសនេះបាន គឺគ្រាន់តែចុចសង្កត់នៅលើសាររបស់នរណាម្នាក់ ដែលយើងចង់​ឆ្លើយ​តប ឬសួរ ពេលនោះ វានឹងចេញរូប Emoji និងមានសញ្ញាព្រួញ(Reply to) នៅខាងចុងគេ រួចធ្វើការសរសរអ្វី​ដែល​អ្នក​ចង់​ឆ្លើយ​តប​ហ្នឹង​គេ ហើយចុចផ្ញើទៅ ជាការស្រេច។

យ៉ាងណា ចំពោះការបញ្ចេញមុខងារ “Message Replies” នេះ នៅមិនទាន់ដាក់ចេញអោយប្រើពេលលេញ នៅឡើយទេ ប៉ុន្តែវានឹង ធ្លាក់មកដល់ថ្ងៃនេះ សម្រាប់ App Store អោយអាប់ដេតមុនគេ ចំណែកសម្រាប់អ្នកប្រើ Play Store វិញ អាចនឹងត្រូវរង់ចាំសិន។

LEAVE A REPLY

Please enter your comment!
Please enter your name here