ទស្សនាវដ្តី MSDN Magazine របស់ Microsoft ដែលផ្តោតសម្រាប់អ្នកសរសេរកម្មវិធីនោះ នឹងត្រូវបិទជាផ្លូវការនៅខែវិច្ឆិកាខាងមុខនេះ បន្ទាប់ពីដំណើរការអស់រយៈពេល ជា៣ទស្សវត្សន៍មកហើយ។
ដើមឡើយ Microsoft បានចេញនូវទស្សាវដ្តី២ផ្សេងគ្នាគឺ Microsoft System Journal និង Microsoft Internet Developer ដែលត្រូវបានរួមបញ្ជូលគ្នាក្លាយ ទស្សនាវដ្តី MSDN Magazine ដែលផ្តោតតែទៅលើប្រព័ន្ធដំណើរការ Windows តែមួយប៉ុណ្ណោះ។
ឆ្លងកាត់ការវិវត្តន៍ខ្លួនអស់រយៈពេលច្រើនឆ្នាំកន្លងមក ក្រុមហ៊ុន Microsoft បានសម្រេចបិទចោលនូវទស្សាវដ្តីមួយនេះ ហើយបន្តនូវការងារនេះអោយទៅកាន់ docs.microsoft.com តាមរយៈ online វិញ។
សម្រាប់អ្នកដែលបានទិញនោះ នឹងទទួលបាននូវច្បាប់ចេញផ្សាយចុងក្រោយបំផុតនៅខែវិច្ឆិកា ហើយចំពោះលុយដែលនៅលើស ខាងក្រុមហ៊ុនក៏បង្វិលអោយវិញ តាមថ្ងៃទិញដែលនៅសល់។
ជំនួសឲ្យទស្សនាវដ្តីនេះក្រុមហ៊ុន Microsoft ណែនាំឲ្យត្រលប់ទៅមើលនៅលើ docs.microsoft.com, Visual Studio Subscriptions portal, និង devblogs.microsoft.com។ ចំនែករាល់ទស្សនាវដ្តីដែលបោះពុម្ពផ្សាយមុនៗ នឹងអាចរកបាននៅលើ Online បានទាំងអស់។
