រដ្ឋាភិបាលអ៊ីរ៉ាក់បាននិយាយកាលពីថ្ងៃអាទិត្យនេះថាប្រទេសទាំងមូលលើកលែងតែតំបន់ឃឺដនឹងត្រូវស្ថិតនៅក្រោមការបិទទ្វារក្នុងអំឡុងពេលឈប់សម្រាកបុណ្យ Eid al-Adha។
ការសម្រេចចិត្តនេះត្រូវបានធ្វើឡើងស្របតាមចំនួនដ៏គួរឱ្យព្រួយបារម្ភនៃការឆ្លងមេរោគកូវីដ១៩ នៅអ៊ីរ៉ាក់។
យោងតាមសេចក្តីថ្លែងការណ៍ផ្លូវការក្រុមប្រឹក្សាសុខភាពជាតិអ៊ីរ៉ាក់បានកោះប្រជុំនៅថ្ងៃនេះដោយមានវត្តមានរបស់នាយករដ្ឋមន្រ្តីលោក Mustafa al-Kadhimi ហើយបានសំរេចចិត្តបិទប្រទេសដែលចាប់ផ្តើមពីថ្ងៃទី៣០ ខែកក្កដា រហូតដល់ថ្ងៃទី៩ ខែសីហា។ ក្រសួងសុខាភិបាលអ៊ីរ៉ាក់បាននិយាយនៅព្រឹកថ្ងៃនេះថាមនុស្សចំនួន ២,៤៥៩ នាក់ទៀតត្រូវបានគេធ្វើរោគវិនិច្ឆ័យឃើញថាមានវីរុសក្នុងរយៈពេល២៤ម៉ោងចុងក្រោយ។
យោងតាមសេចក្តីថ្លែងការណ៍របស់ក្រសួងបានអោយដឹងថាមនុស្សចំនួន ៧៨ នាក់ក៏បានស្លាប់ក្នុងរយៈពេលដូចគ្នានេះដែរ។
ប្រភពព័ត៌មានពី baghdadpost ចេញផ្សាយថ្ងៃទី ២៧ ខែកក្តដា ឆ្នាំ២០២០
