ប្រទេសប៉ាគីស្ថាន៖ មនុស្ស៧នាក់ក្នុងនោះមានប៉ូលិស២នាក់បានស្លាប់ និងមនុស្សជាច្រើននាក់ផ្សេងទៀតរងរបួសនៅក្នុងការបំផ្ទុះគ្រាប់លើរថយន្តប៉ូលិសមួយគ្រឿង ក្នុងខេត្តខាយប័រផាកថុនវ៉ាភាគពាយ័ព្យប្រទេសប៉ាគីស្ថានកាលពីថ្ងៃអង្គារ ទី១២ ខែឧសភា ឆ្នាំ២០២៦ នេះបើតាមការលើកឡើងរបស់ប៉ូលិស។ ប្រភពអនាមិកបានប្រាប់អ្នកយកព័ត៌មានថា ឧបទ្ទវហេតុនេះបានកើតឡើងនៅក្នុងស្រុកឡាគី ម៉ាវ៉ាត ដែលការផ្ទុះនេះបានវាយប្រហារទៅលើរថយន្តប៉ូលិសមួយគ្រឿងក្នុងអំឡុងការល្បាតប្រចាំថ្ងៃនៅក្នុងតំបន់។ ប្រភពបានបន្ថែមថា “ហេតុការណ៍ផ្ទុះនេះបានកើតឡើងនៅក្នុងតំបន់ទីផ្សារដែលមានមនុស្សច្រើនកុះករ ដូច្នេះជនស៊ីវិលជាច្រើនដែលឆ្លងកាត់កន្លែងវាយប្រហារនេះក៏ត្រូវបានសម្លាប់​និងរបួសផងដែរ”។ ចំណុចកើតហេតុត្រូវបានរាយខ្សែររង្វង់សុវត្ថិភាពដើម្បីស៊ើបអង្កេត។ ក្រុមដោះមីនមួយក្រុមបានទៅដល់កន្លែងកើតហេតុបន្ទាប់ពីការផ្ទុះកើតឡើង ហើយមូលហេតុនៃការបំផ្ទុះនឹងត្រូវបានកំណត់។ អ្នករងរបួសត្រូវបានបញ្ជូនទៅកាន់មន្ទីពេទ្យក្បែរនោះ។ ពុំទាន់មានក្រុមណាមួយអះអាងទទួលខុសត្រូវចំពោះការវាយប្រហារនេះនៅឡើយទេ៕ ប្រភព Xinhua ចុះផ្សាយឡើងវិញថ្ងៃទី១៣ ខែឧសភា ឆ្នាំ២០២៦