ថ្ងៃពុធ ៥កើត ខែចេត្រ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២ ខែមេសា ឆ្នាំ២០២៥ វេលាម៉ោង ៩:០០ នាទីព្រឹក ឯកឧត្តម ទ្រី ត្រាយ អនុប្រធាន ល.គ.ជ.ប.ភ. តំណាងដ៏ខ្ពង់ខ្ពស់ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី អនុប្រធានលេខាធិការដ្ឋាន គ.ជ.ប.ភ. បានអញ្ជើញជាអធិបតីភាពដឹកនាំកិច្ចប្រជុំលើរបៀបវារៈមួយចំនួនដូចជា បូកសរុបរបាយការណ៍លទ្ធផលការងារប្រចាំត្រីមាសទី១ និងទិសដៅការងារបន្តប្រចាំត្រីមាសទី២ ឆ្នាំ២០២៥ ការពិភាក្សាការងារប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ ពិនិត្យលើការផ្តល់ធាតុចូលលើសេចក្តីព្រាងគោលនយោបាយជាតិស្តីពី ការដឹកជញ្ជូនតាមផ្លូវអាកាស ២០២៥-២០៣៥ ការពិនិត្យវាយតម្លៃមន្ត្រី និងមន្ត្រីជាប់កិច្ចសន្យាបំពេញការងារលើសពី ១០ឆ្នាំ និងពុំធ្លាប់ទទួលបានគ្រឿងឥស្សរិយយស និងបញ្ហាផ្សេងៗ ដោយមានការអញ្ជើញចូលរួមពី ឯកឧត្តម លោកជំទាវ ជាអនុប្រធាន សមាជិក និងថ្នាក់ដឹកនាំ ល.គ.ជ.ប.ភ. ប្រធាន អនុប្រធាននាយកដ្ឋាន និងតំណាង នាយកដ្ឋានទាំងប្រាំនៃ ល.គ.ជ.ប.ភ.។
