ក្រុមហេគឃ័រដែលទទួលបានការគាំទ្រពីរដ្ឋាភិបាលចិនបានរៀបចំប្រើ zero-day exploit សម្រាប់វាយ ប្រព័ន្ធ Windows ដែលអភិវឌ្ឍដោយក្រុម Equation ដែលជាក្រុមអ្នកជំនាញហេគនៅភ្នាក់ងារសន្តិសុខ ជាតិ (NSA)។ ក្រុម Equation គឺជាក្រុមមួយដែលឈានមុខនៅក្នុងពិភពលោក បើយោងតាមសំដីអ្នក ជំនាញសន្តិសុខអ៊ីនធឺណិត។
ក្រុម Equation ត្រូវបានបង្កើតឡើងចាប់ពីដើមសតវត្សទី២១ និងជាប់ពាក់ព័ន្ធនឹងប្រតិបត្តិការហេគ សំខាន់ៗជាច្រើនដែលទទួលបានការឧបត្ថម្ភពីរដ្ឋាភិបាល។ នៅឆ្នាំ២០១៧ ក្រុមហេគ Shadow Brokers បានទម្លាយអាថ៌កំបាំង tools ចម្បងៗដែលប្រើដោយក្រុមហេគ Equation ដែលភាគច្រើន ត្រូវបានប្រើដើម្បីស្វែងរកបញ្ហានៅក្នុង Window និងប្រព័ន្ធដំណើរការ operating system ផ្សេងទៀត ដែលបង្ខំឱ្យអ្នកអភិវឌ្ឍបញ្ចេញការធ្វើបច្ចុប្បន្នភាពជាបន្ទាន់។
ជាឧទាហរណ៍ ដូចជាការបញ្ចេញ patch CVE-2017-0005 កំហុស zero-day នៅក្នុង Window XP ដែលកើតមានចំពោះ tool Jian ដែលធ្វើឱ្យប្រព័ន្ធទាំងមូលស្ថិតក្នុងស្ថានភាពគ្រោះថ្នាក់។ ទោះបីជា វាជឿជាក់ថា កំហុសនេះនឹងត្រូវបានកែលម្អដោយក្រុមហេគ Zirconium ដែលអ្នកជំនាញបានបង្ហាញ ថាវាជា cloned tool របស់ក្រុម Equation ដែលបានអភិវឌ្ឍ និងដាក់ពង្រាយដោយ NSA។
Tool EpMe ថតចម្លងដោយហេគឃ័រអាក្រក់ ដែលបង្កើតដោយក្រុម Equation ដើម្បីផ្តល់សិទ្ធិពិសេស វាយប្រហារលើប្រព័ន្ធ Window៖ “បន្ទាប់ពីដំណាក់កាលដំបូងនៃការវាយប្រហារ ហេគឃ័រប្រើ Jian or EpMe ទទួលបានសិទ្ធិជាអ្នកគ្រប់គ្រងលើឧបករណ៍រងគ្រោះ ហើយគ្រប់គ្រងទាំងស្រុងលើឧបករណ៍ រងគ្រោះ” បើយោងតាមការលើកឡើងដោយអ្នកជំនាញ។
នេះមិនមែនជាលើកទីមួយទេ ដែលក្រុមហេគឃ័រចិនលួចប្រើប្រាស់ tool ពីក្រុម Equation។ នៅឆ្នាំ ២០១៩ វាត្រូវបានរាយការណ៍ថាក្រុមហេគ Buckeye រៀបចំប្រតិបត្តិការហេគដោយប្រើ tool ដែល អភិវឌ្ឍដោយ NSA និងបន្តវាយប្រហារពីឆ្នាំ២០១៦ ដល់២០១៨ ដែលបង្ហាញថាទោះជាភ្នាក់ងារ ឆ្លាតវៃរបស់រដ្ឋាភិបាលអាមេរិក ក៏បានក្លាយជាគោលដៅរបស់ក្រុមហេគចិនដែរ៕
ប្រភពព័ត៌មាន៖ ថ្ងៃទី២២ ខែកុម្ភៈ ឆ្នាំ២០២១
ប្រែសម្រួលដោយ៖ កញ្ញា
