អ្នកប្រើហ្វេសប៊ុករាប់លាននាក់ប្រហែលជាមិនដឹងពីកំហុសកម្មវិធីលើ Facebook ដោយអ្នកជ្រើសរើសការផុសព័ត៌មានផ្ទាល់ខ្លួន តែវាប្រែជាបង្ហាញជាសាធារណៈ។ ការកំណត់ post នៅតែចែកព័ត៌មានរបស់អ្នកទៅមនុស្សគ្រប់គ្នា ទោះបីជាអ្នកជ្រើសរើសជម្រើស ““friends of friends ” ក៏ដោយ។ លោកស្រី Erin Egan អ្នកគ្រប់គ្រងមុខងារ privacy មានប្រសាសន៍ថា លោកស្រីសុំទោសសម្រាប់កំហុសដែលកើតឡើង។
អ្នកប្រើប្រាស់ដែលរងផលប៉ះពាល់គេ នឹងជូនដំណឹងលើ newsfeed។ អ្នកស្រី Egan និយាយថា ថ្មីៗនេះក្រុមការងាររកឃើញកំហុសមួយដោយការបង្ហោះ post របស់អ្នកប្រើប្រាស់នឹងបង្ហាញជាសារធារណៈដោយស្វ័យប្រវត្តិនៅពេលអ្នកប្រើប្រាស់មួយសរសេរ post របស់ពួកគេ។ ក្រុមការងារបានជួសជុលបញ្ហានេះរួចរាល់ ហើយក្រុមការងារជូនដំណឹដល់ជនរងគ្រោះ និងសុំឱ្យពួកគេពិនិត្យ post ឡើងវិញនូវក្នុងអំឡុងមានបញ្ហានេះ។
សូមបញ្ជាក់ឱ្យច្បាស់លាស់ថា កំហុសនេះមិនមានឥទ្ធិពលលើ post ពីមុនរបស់អ្នកទេ ហើយអ្នកប្រើប្រាស់អាចជ្រើសរើស audience ដូចពេលមុនតាមតែពួកគេត្រូវការ។ ក្រុមហ៊ុនចង់សុំទោសចំពោះកំហុសដែលកើតឡើងថ្មីៗនេះ។ អ្នកនាំពាក្យរូបនេះបន្ថែមថា ភាពមិនត្រឹមត្រូវកើតឡើងនៅចន្លោះថ្ងៃទី ១៨ និង ២២ ខែឧសភា ហើយមានបញ្ហាលើបណ្តាញរហូតដល់ថ្ងៃទី ២៧ ខែឧសភាទម្រាំមានការប្តូរ post ទាំងនោះទៅជា private វិញ។
របៀបការពារទិន្ន័យ Facebook
នៅពេលអ្នកប្រើប្រាស់ផុសលើ Facebook នឹងមានបញ្ជីជ្រើសរើសបង្ហាញថានរណាអាចមើលឃើញ post របស់អ្នក។ ប្រសិនបើអ្នកប្រើប្រាស់រើសយក public នោះនរណាក៏អាចមើលឃើញផុសទាំងនោះដែរ។ មុខងារមួយទៀតកំណត់ audience ដោយអ្នកប្រើប្រាស់ភាគច្រើនផុសហើយនឹងឃើញដល់មិត្តភក្តិរបស់ពួកគេទាំងអស់។ Facebook នឹងបង្កើតការចងចាំថា ការផុសចុងក្រោយរបស់អ្នកដែលអ្នកជ្រើសរើសអ្នកមើលឃើញនោះ នោះវានឹងជ្រើសរើសអ្នកមើលឃើញផុសរបស់អ្នកលើក្រោយដោយស្វ័យប្រវត្តិ។ ចន្លោះពីថ្ងៃទី ១៨ ដល់ថ្ងៃទី ២២ ខែឧសភា បើទោះបីជាអ្នកជ្រើសរើស private យ៉ាងណាក៏ដោយ កំហុសដែលគេរកឃើញនេះនឹងដាក់ post របស់អ្នកទៅជាសាធារណៈ។
ប្រសិនបើអ្នកប្រើមិនបានកត់សម្គាល់ថា ការកំណត់មានការផ្លាស់ប្តូរទេនោះ ពួកគេប្រហែលជាបង្ហោះអ្វីមួយជាសាធារណៈដោយមិនមានបំណងផុសសម្រាប់អ្នកមើលឃើញមួយចំនួន។ ក្រុមហ៊ុន Facebook និយាយថា គេប៉ាន់ប្រមាណថា មានអ្នកប្រើប្រាស់ប្រមាណ ១៤ លាននាក់រងផលប៉ះពាល់ ហើយក្រុមហ៊ុនក៏ចាប់ផ្តើមជូនដំណឹងដល់អ្នកប្រើប្រាស់។ បើប្រៀបធៀបទៅនឹងបញ្ហាថ្មីៗដែលក្រុមហ៊ុនកំពុងជួបប្រទះនោះ ភាពមិនត្រឹមត្រូវនេះគឺជាកំហុសអាម៉ាស់មួយទៀតរបស់ក្រុមហ៊ុន។ បញ្ហានេះដាក់ឲ្យអ្នកប្រើប្រាស់ស្ថិតនៅក្រោមការគម្រាមកំហែងយ៉ាងធ្ងន់ធ្ងរលើបញ្ហាឯកជន។ អ្នកដែលរងផលប៉ះពាល់ដោយកំហុសឆ្គងចុងក្រោយនេះ គេនឹងជូនដំណឹងជាក្រាហ្វិកក្នុងពេលឆាប់ៗនេះដោយមានឱកាសពិនិត្យឡើងលើ Post ដែលមានកំហុសបង្ហោះជាសាធារណៈ។ អ្នកនាំពាក្យម្នាក់ប្រាប់ភ្នាក់ងារ BBC ថាវិធីសាស្ត្រនៃការប្រាស្រ័យទាក់ទងលើបណ្តាញនេះ ក្លាយជាបណ្តាញទំនាក់ទំនងដែលមានអ្នកប្រើប្រាស់ជ្រើសរើសប្រើញឹកញាប់៕
ប្រភព៖
https://www.bbc.com/news/technology-44407767
