YouTube, Facebook និង iTunes លុបចោល InfoWars ដោយសារការរំលោភទៅលើគោលការណ៍ណែនាំ

August 12, 2018

ថ្មីៗនេះ ក្រុមហ៊ុន Apple លុបចោលនូវ podcasts របស់អ្នកទ្រឹស្តីចារកម្ម Alex Jones និងលុប InfoWars ពីកម្មវិធី iTunes និងកម្មវិធី Podcasts ។ ក្រុមហ៊ុនលើកឡើងក្នុងសេចក្តីថ្លែងការណ៍ថា ក្រុមហ៊ុនមិនអត់ឱនដល់ការនិយាយបង្ហាញពីការស្អប់ឡើយ។ នៅថ្ងៃចន្ទ ហ្វេសប៊ុកធ្វើការលុបចោលទំព័រ InfoWars លើវេទិការបស់ខ្លួនដោយសារការប្រើប្រាស់សម្តីស្អប់ ហើយឆានែលរបស់លោក Alex Jones លើ YouTube ផងដែរ។ ក្នុងបណ្តាញផ្សាយបន្តផ្ទាល់នៅលើ Twitter លោក Jones និយាយថា InfoWars ក្លាយទៅជាប៉ុស្តិ៍ដែលគេមើលច្រើនបំផុត។

Spotify ប្រាប់ BBC ថា ក្រុមហ៊ុនដកកម្មវិធី Alex Jones Show ចេញពីបញ្ជី podcast របស់ខ្លួននៅថ្ងៃចន្ទនេះ។ ក្រុមហ៊ុនបញ្ជាក់ថា ក្នុងសេចក្តីថ្លែងការណ៍មួយថា ក្រុមហ៊ុនរាយការណ៍ពីមាតិកាស្អប់យ៉ាងធ្ងន់ធ្ងរ។ដោយសារតែមានការរំលោភបំពានម្តងហើយម្តងទៀតលើគោលការណ៍ហាមឃាត់របស់ Spotify កម្មវិធី Alex Jones Show បាត់បង់ការចូលដំណើរ ទៅកាន់វេទិកា Spotify ។

ទ្រឹស្តីវាយប្រហារ

លោក Jones ត្រូវគេរិះគន់យ៉ាងខ្លាំងចំពោះការលើកឡើងពីទ្រឹស្ដីពីការវាយប្រហារ នៅថ្ងៃទី 9 ខែកញ្ញានៅទីក្រុងញូវយ៉កថាជាការរៀបចំឡើងដោយរដ្ឋាភិបាលអាមេរិក។លោកអះអាងថា ក្មេងៗជាច្រើនត្រូវគេសម្លាប់ក្នុងការសម្លាប់រង្គាលក្នុងឆ្នាំ 2012 នៅសានឌីហុកសុទ្ធតែជាអ្នកសំដែង។ ឪពុកម្តាយរបស់កូនពីរនាក់ដែលត្រូវ គេបាញ់ក្នុងការវាយប្រហារនោះកំពុងប្តឹងគាត់ពីបទបរិហារកេរ្តិ៍ដោយលើកឡើងថា លោក Jones ធ្វើការអះអាងក្លែងក្លាយឃោរឃៅ និងគ្រោះថ្នាក់។

ទោះយ៉ាងណាក៏ដោយ អ្នកអត្ថាធិប្បាយស្តាំនិយមជាច្រើនលើកឡើងថា ក្រុមហ៊ុនបច្ចេកវិទ្យា រារាំងអ្នកផុសផ្សាយគឺជាបញ្ហាប្រឈមចំពោះច្បាប់សេរីភាពនិយាយរបស់សហរដ្ឋអាមេរិក។ លើសពីនេះទៅទៀត Wikileaks ចាត់ទុកចលនានេះថា ចក្រពត្តិនិយមវប្បធម៌សាន់ហ្វ្រាន់ ស៊ីស្កូ។

‘គោលការណ៍ណែនាំច្បាស់លាស់‘

ខណៈពេលដែលក្រុមហ៊ុន Apple មិនបានដាក់ InfoWars លើម៉ាស៊ីនមេរបស់ខ្លួន តែកម្មវិធី iTunes និង Podcasts របស់ក្រុមហ៊ុនក្រុមហ៊ុន Apple ធ្វើឱ្យកម្មវិធីនេះភ្ជាប់ទៅកាន់មនុស្សរាប់លាននាក់បានយ៉ាងងាយស្រួល។ កម្មវិធីចំនួន ០៥ ក្នុងចំណោមកម្មវិធីទាំងប្រាំមួយ ដែលទាក់ទងនឹង InfoWars នឹងលែងមាននៅលើ iTunes ទៀតហើយ។ ក្រុមហ៊ុន Apple ឈប់ភ្ជាប់ទៅនឹងតំន Alex Jones Podcast និង War Room ក្នុងកម្មវិធីរបស់ខ្លួន។ ទោះជាយ៉ាងណាក៏ដោយ Real News នៅតែមានលើ iTunes ។ ក្នុងសេចក្តីថ្លែងការណ៍មួយក្រុមហ៊ុន Apple ប្រាប់ Buzzfeed News ថា ក្រុមហ៊ុនមានគោលការណ៍ណែនាំ ច្បាស់លាស់ដែលអ្នកបង្កើតនិងអ្នកអភិវឌ្ឍន៍ត្រូវធ្វើតាមដើម្បីធានាថា ក្រុមហ៊ុនផ្តល់នូវ បរិយាកាសសុវត្ថិភាពសម្រាប់អ្នកប្រើទាំងអស់។ កម្មវិធី និងប្រព័ន្ធផ្សព្វផ្សាយសង្គមជា ច្រើនផ្សេងទៀតចាត់វិធានការប្រឆាំងនឹងមាតិការបស់ InfoWars ។នៅខែកក្កដា YouTube លុបវីដេអូចំនួនបួនចេញពីប៉ុស្តិ៍របស់លោក Jones ដែលមានអ្នកគាំទ្រជាង 2.4 លាននាក់។
ក្នុងវីដេអូនោះ លោក Jones រិះគន់ជនអន្តោប្រវេសន៍ម៉ូស្លីមទៅកាន់ទ្វីបអ៊ឺរ៉ុប និងតាក់តែងរូបតុក្កតាប្តូរភេទ។ YouTube និយាយថា ក្រុមហ៊ុនមាន គោលការណ៍យូរអង្វែងប្រឆាំងនឹង ការគំរាមកំហែងកុមារ និងការនិយាយបង្ហាញភាពស្អប់ខ្ពើម ប៉ុន្តែ InfoWars អះអាងថាវីដេអូទាំងនេះត្រូវគេលុបចោលដោយសារពួកគេរិះគន់លើបញ្ហាសេរីភាពនោះ៕