របាយការណ៍របស់រដ្ឋាភិបាលសន្និដ្ឋានថា អាវុធទំនើបៗ បំផុតក្នុងឃ្លាំងអាវុធរបស់អាមេរិកអាចត្រូវគេវាយប្រហារយ៉ាងងាយដោយប្រើឧបករណ៍មូលដ្ឋាន។ ការិយាល័យគណនេយ្យភាពរដ្ឋាភិបាល (GAO) រកឃើញភាពងាយរងគ្រោះតាមអ៊ីនធើណេត ដែលមានគ្រោះថ្នាក់ដល់បណ្តាញនៅស្ទើរតែគ្រប់ប្រព័ន្ធសព្វាវុធទាំងអស់ដែលគេធ្លាប់សាកល្បងនៅឆ្នាំ២០១២ និងឆ្នាំ២០១៧ ។
ក្នុងចំណោមសព្វាវុធទាំងអស់រួមមានទាំងយន្តហោះ F-៣៥ ថ្មីបំផុតក៏ដូចជាប្រព័ន្ធមីស៊ីលផងដែរ។ មន្រ្តីមន្ទីរប៉ង់តាហ្គោនពុំធ្វើការឆ្លើយតបភ្លាមៗចំពោះរបាយការណ៍ចំនួន៥០ ទំព័រមកពីគណៈកម្មាធិការសេវាកម្មយោធានោះទេ។
សមាជិកគណៈកម្មាធិការបង្ហាញការព្រួយបារម្ភចំពោះរបៀបការពារប្រព័ន្ធការពារអាវុធពីការវាយប្រហារតាមអ៊ីនធើណេត។ លទ្ធផលសំខាន់ៗនៃរបាយការណ៍នេះគឺ:
- មន្ទីរ Pentagon ពុំបានផ្លាស់ប្តូរពាក្យសម្ងាត់លំនាំដើមលើប្រព័ន្ធអាវុធច្រើនហើយពាក្យសម្ងាត់មួយអាចត្រូវគេទាយក្នុងរយៈពេល៩ វិនាទី
§ ក្រុមមួយដែលតែងតាំងដោយ GAO អាចទទួលបាននូវការគ្រប់គ្រងប្រព័ន្ធអាវុធមួយយ៉ាងងាយស្រួល និងមើលពេលវេលាពិតប្រាកដដែលប្រតិបត្តិករឆ្លើយតបចំពោះពួក Hacker
- ក្រុមសាកល្បងជាច្រើនអាចចម្លង ផ្លាស់ប្តូរ ឬលុបទិន្នន័យប្រព័ន្ធជាមួយក្រុមមួយដែលទាញយកព័ត៌មានទំហំ១០០ ជីហ្គាបៃ
GAO បន្ថែមទៀតថា មន្ទីរបញ្ចកោណ ពុំដឹងពីទំហំពេញលេញនៃភាពងាយរងគ្រោះរបស់ប្រព័ន្ធអាវុធរបស់ខ្លួន។ លោក Ken Munro អ្នកជំនាញនៅក្រុមហ៊ុនសុវត្ថិភាព Pen Test Partners មានប្រសាសន៍ថា លោកមិនមានការភ្ញាក់ផ្អើលទេ ចំពោះការរកឃើញនេះ។វាត្រូវការពេលវេលាយូរដើម្បីអភិវឌ្ឍន៍ប្រព័ន្ធអាវុធដោយផ្អែកលើប្រព័ន្ធដែលមានអាយុកាល ច្រើន។ ជាលទ្ធផលសមាសធាតុ និងកម្មវិធីអាចផ្អែកលើកូដចាស់ដែលសុទ្ធតែងាយរងគ្រោះ។
ជាញឹកញាប់អ្នកអភិវឌ្ឍន៍ មើលរំលងសុវត្ថិភាព ឬប្រព័ន្ធសុវត្ថិភាពក្រោយពីពួកគេដំណើរ ប្រព័ន្ធទាំងនោះជាមួយនឹងទស្សនវិជ្ជា។ នៅពេលវាកំពុងដំណើរការ ដូច្នេះកុំទៅរញ៉េរញ៉ៃ ជាមួយវា។ របាយការណ៍នេះបង្ហាញពីកំហុសសន្តិសុខសំខាន់ៗមួយចំនួនដែលងាយស្រួលដោះស្រាយដោយការផ្លាស់ប្តូរពាក្យសម្ងាត់ និងការរក្សាកម្មវិធីឱ្យទាន់សម័យជានិច្ច៕
ប្រភព៖
https://www.bbc.com/news/technology-45823180
