មុខងារប្រឆាំងមេរោគរបស់ក្រុមហ៊ុន Microsoft Windows ដែលជាកម្មវិធី Windows Defender ក្លាយជាកម្មវិធីកំចាត់មេរោគដំបូងគេដែលមានសមត្ថភាពក្នុងការដំណើរការក្នុង sandbox។ Sandboxing គឺជាដំណើរការមួយ ដែលដាក់ឱ្យកម្មវិធីស្ថិតក្នុងបរិយាកាសសុវត្ថិភាពឱ្យនៅដាច់ដោយឡែកពីប្រព័ន្ធប្រតិបត្តិការ និងកម្មវិធីនៅលើកុំព្យូទ័រ។
ដូច្នេះប្រសិនបើកម្មវិធី sandboxed ទទួលបានការសម្របសម្រួលនោះ បច្ចេកទេសនេះនឹងការពារការខូចខាតរបស់វាពីការរីករាលដាលនៅខាងក្រៅតំបន់ដែលបិទ។ចាប់តាំងពីមុខងារកម្ចាត់ភាពឆ្លងនិងប្រឆាំងមេរោគដំណើរការដោយមានសិទ្ធិពិសេសបំផុតក្នុងការស្កេនគ្រប់ផ្នែកទាំងអស់នៃកុំព្យូទ័រសម្រាប់កូដព្យាបាទ វាក្លាយជាគោលដៅដែលចង់បាន សម្រាប់អ្នកវាយប្រហារ។ តម្រូវការសម្រាប់ sandboxing នូវមុខងារកំចាត់មេរោគមួយក្លាយទៅជាភាពចាំបាច់ក្រោយពីគេរកឃើញភាពងាយរងគ្រោះសំខាន់ៗជាច្រើនក្នុងកម្មវិធីដែលមានអនុភាពដូចជា Windows Defender ក្នុងរយៈពេលប៉ុន្មានឆ្នាំកន្លងមក ដោយវាអាចឱ្យអ្នកវាយប្រហារទទួល បានការត្រួតពិនិត្យពេញលេញលើប្រព័ន្ធគោលដៅ។
នោះហើយជាមូលហេតុដែលក្រុមហ៊ុន Microsoft ប្រកាសបន្ថែមកម្មវិធី Sandbox ទៅឱ្យ Windows Defender របស់ខ្លួន។ ដូច្នេះទោះបីជាអ្នកវាយប្រហារឬកម្មវិធីដែលមានគំនិតអាក្រក់ធ្វើអំពើកំហុសឆ្គងក្នុងកម្មវិធីការពារ Defender ដោយបញ្ចូលមេរោគក្នុងម៉ាស៊ីន ក៏ការខូចខាតមិនអាចទៅដល់ផ្នែកផ្សេងទៀត នៃប្រព័ន្ធដែរ។ អ្នកស្រាវជ្រាវរបស់ Google Project Zero លោក Tavis Ormandy រកឃើញ និងបញ្ចេញនូវកំហុសជាច្រើនប្រភេទនៅឆ្នាំមុនបានសរសើរកិច្ចខិតខំប្រឹងប្រែងរបស់ក្រុមហ៊ុន Microsoft លើ Twitter ដោយនិយាយថាជាការផ្លាស់ប្តូរហ្គេម ។
យោងតាមប្រភពក្រុមហ៊ុន Microsoft ការអនុវត្តការដាក់ sandboxing ក្នុង Windows Defender គឺជាបញ្ហាប្រឈមមួយសម្រាប់វិស្វកររបស់ខ្លួនព្រោះដំណើរការនេះមានសក្តានុពលបង្កឱ្យមានការបំផ្លាញដំណើរការ និងតម្រូវឱ្យមានការផ្លាស់ប្តូរមូលដ្ឋានមួយចំនួន។ ទោះជាយ៉ាងណាក៏ដោយ សហគមន៍អ្នកស្រាវជ្រាវចាត់ទុកវាជាជំហានស្វាគមន៍មួយ ដោយក្រុមហ៊ុន Microsoft លើកកម្ពស់សុវត្ថិភាពលើប្រព័ន្ធការពារកំចាត់មេរោគនិងដំណោះស្រាយប្រឆាំងមេរោគនៅទីនោះ។
របៀបបើក Sandbox ក្នុង Windows Defender Antivirus
សំរាប់ពេលនេះ Windows Defender ដែលកំពុងដំណើរការលើ Windows 10គឺជំនាន់ 1703 ឬជំនាន់ក្រោយៗទៀតគាំទ្រលក្ខណៈពិសេសរបស់មុខងារ sandbox ដែលគេមិនបើក default ប៉ុន្តែអ្នកអាចបើកលក្ខណៈពិសេសនេះដោយការអនុវត្តការបញ្ជាដូចខាងក្រោមលើប្រព័ន្ធរបស់អ្នក:
- បើ Start និងស្វែងរក for “CMD” ឬ “Command Prompt”
- ម៉ៅស្តាំលើវា រួចធ្វើការជ្រើសរើស “Run as administrator.”
- វាយបញ្ចូល ៖ “setx /M MP_FORCE_USE_SANDBOX 1” រួចចុច ENTER
- បន្ទាប់មក restart កុំព្យូទ័ររបស់អ្នកឡើវិញ។
ក្រុមហ៊ុន Microsoft បានបង្ហាញ Windows Insider preview គាំទ្រលក្ខណៈពិសេសនៃ sandboxing ក្នុងកម្មវិធីការពារប្រឆាំងនឹងមេរោគ Defender Antivirus និងលក្ខណៈពិសេស នេះនឹងអាចប្រើបានយ៉ាងឆាប់រហ័សទោះបីជាវាមិនប្រាកដថា ពេលណាវានឹងកើតឡើងក៏ដោយ៕
ប្រភពព័ត៌មាន៖
https://thehackernews.com/2018/10/windows-defender-antivirus-sandbox.html
