FBI និង DHS បានចេញសេចក្តីជូនដំណឹងរួមគ្នាមួយស្តីពីការវាយប្រហារតាម SamSam Ransomware ដែលសំដៅទៅលើវិស័យសាធារណៈជាច្រើន។ SamSam ransomware មានភាពសកម្មយ៉ាងខ្លាំងនៅក្នុងឆ្នាំ ២០១៨ ដោយបានបំបែកបណ្តាញ Network ផ្សេងៗចំនួយ ៦៧ ប្រភេទនៅទូទាំងពិភពលោកជាពិសេសនៅសហរដ្ឋអាមេរិក។
ក្រុម SamSam បានប្រើប្រាស់យុទ្ធសាស្ត្រ “living off the land” ដែលមានលក្ខណៈពិសេសក្នុងការគ្រប់គ្រងនិងប្រតិបត្តិការលើឧបករណ៍ Network របស់ជនរងគ្រោះ។ យោងតាមការវិភាគរបស់ Symantec ក្នុងចំណោមការវាយប្រហារចំនួន ៦៧ គោលដៅមាន ៥៦ គោលដៅលើកដំបូងមានទីតាំងនៅសហរដ្ឋអាមេរិក។ ការវាយប្រហារមួយចំនួនតូចផ្សេងទៀត មាននៅក្នុងប្រទេស ព័រទុយហ្គាល់ បារាំង អូស្ត្រាលី អៀរឡង់ និងអ៊ីស្រាអែល។
មានការផ្តល់មតិយោបល់ថា ជនជាតិអ៊ីរ៉ង់ពីរនាក់គឺលោក Men Faramarz Shahi Savandi អាយុ 34ឆ្នាំ និងលោក Mohammad Mehdi Shah Mansouri អាយុ 27ឆ្នាំ ត្រូវបានចោទប្រកាន់ពីបទដាក់ពង្រាយ SamSam Ransomware នៅលើវិស័យសាធារណៈ មន្ទីរពេទ្យដែលបណ្តាលឱ្យមានការខូចខាតទឹកប្រាក់ 30 លានដុល្លារនិងការបាត់បង់ព័ត៌មានយ៉ាងច្រើន។
នៅពេលដែល SamSam ransomware ធ្វើការ encrypted រាល់ឯកសារទាំងអស់នៅលើកុំព្យូទ័ររបស់ជនរងគ្រោះ។ ពួកគេតម្រូវអោយជនរងគ្រោះធ្វើការទូទាត់ប្រាក់មកអោយពួកគេតាមរយៈ Bitcoin នៅពេលដែលពួកគេទទួលបានប្រាក់ហើយទើបពួកគេប្រាប់ជនរងគ្រោះពីការ Decrypt ឯកសារបានវិញ។ DHS និង FBI បានណែនាំអ្នកប្រើប្រាស់ និង អ្នកគ្រប់គ្រងប្រព័ន្ធផ្សេងអោយពង្រឹងផ្នែកសន្តិសុខ Network របស់ពួកគេបន្ថែមទៀត៕
ប្រភព៖
FBI and DHS issued Alert On Increase in SamSam Ransomware Attacks Targeted Multiple Industries
