ប្រព័ន្ធផ្សព្វផ្សាយរដ្ឋចិនកាលពីថ្ងៃសុក្រទី 7 ធ្នូបានថ្កោលទោសការចាប់ខ្លួននាយកប្រតិបត្តិជាន់ខ្ពស់នៃក្រុមហ៊ុនទូរគមនាគមន៍ Huawei នៅប្រទេសកាណាដាថាជាវិធីសាស្រ្តដែលគួរឲ្យស្អប់ខ្ពើមមួយរបស់សហរដ្ឋអាមេរិកដែលមានមហិច្ឆតាមកលើបច្ចេកវិទ្យាទំនើបរបស់ប្រទេសចិន។ ការចាប់ខ្លួនលោកស្រី Meng Wanzhou ដែលជាប្រធានហិរញ្ញវត្ថុក្រុមហ៊ុនបានធ្វើឲ្យមានការខឹងសម្បារដល់រដ្ឋាភិបាលចិនហើយបានលើកឡើងពីការព្រួយបារម្ភថាវាអាចរំខានដល់កិច្ចព្រមព្រៀងពាណិជ្ជកម្មពាណិជ្ជកម្មរវាងប្រទេសមហាអំណាចសេដ្ឋកិច្ចទាំងពីរ។
ប្រទេសកាណាដាបាននិយាយថាមិនមានពាក់ព័ន្ធផ្នែកនយោបាយទេ ហើយលោក Donald Trump បានបដិសេធថាវាមិនមានទំនាក់ទំនងជាមួយកិច្ចចរចាពាណិជ្ជកម្មរវាងសហរដ្ឋអាមេរិកនិងចិនឡើយ។ ប៉ុន្តែប្រព័ន្ធផ្សព្វផ្សាយរបស់ប្រទេសចិនបានចាត់ទុកវិធានការនេះថាជាការរំលោភលើការអភិវឌ្ឍឧស្សាហកម្មបច្ចេកវិទ្យាជំនាន់ខ្ពស់របស់ប្រទេសខ្លួន។ សារព័ត៌មានចិន Global Times បាននិយាយថារដ្ឋាភិបាលចិនគួរតែយកចិត្តទុកដាក់លើនិន្នាការរបស់អាមេរិកក្នុងការរំលោភលើនីតិវិធីដើម្បីបង្ក្រាបសហគ្រាសបច្ចេកវិទ្យាខ្ពស់របស់ប្រទេសចិន។ ជាក់ស្តែង ទីក្រុងវ៉ាស៊ីនតោនកំពុងប្រើវិធីសាស្រ្តបញ្ឆោតទាំងនេះ តែវាមិនអាចបញ្ឈប់ 5G របស់ក្រុមហ៊ុន Huawei នៅលើទីផ្សារបានទេ។ សារព័ត៌មានចិន China Daily បានព្រមានថា “ការពង្រីកក្រុមហ៊ុន Huawei គឺមានផលប៉ះពាល់ដល់ទំនាក់ទំនងរវាងចិននិងសហរដ្ឋអាមេរិក” ។
‘ល្បែងនៃនយោបាយ’
ទោះបីជាវិស័យបច្ចេកវិទ្យារបស់ប្រទេសចិននៅតែពឹងផ្អែកលើការនាំចេញទៅសហរដ្ឋអាមេរិកដូចជា microchips ទីការក៏ចង់ផ្លាស់ប្តូរប្រទេសខ្លួនទៅជាអ្នកដឹកនាំបច្ចេកវិទ្យាក្នុងពិភពលោកដែលមានសមត្ថភាពខាងបច្ចេកវិជ្ជាដែលជាដៃគូរប្រជែងជាមួយសហរដ្ឋអាមេរិកនៅក្នុងផែនការដែលមានឈ្មោះថា “Made in China 2025” ។
ក្រុមហ៊ុន Huawei គឺជាក្រុមហ៊ុនផ្គត់ផ្គង់សេវាទូរគមនាគមន៍ដ៏ធំបំផុតមួយរបស់ពិភពលោក។ ផលិតផលរបស់ពួកគេត្រូវបានប្រើប្រាស់នឹងដឹកជញ្ជូននៅជុំវិញពិភពលោករួមទាំងនៅក្នុងទ្វីបអឺរ៉ុបនិងអាហ្វ្រិក។ ប៉ុន្តែសម្រាប់អាមេរិកត្រូវបានរារាំងយ៉ាងតឹងរ៉ឹងដោយការព្រួយបារម្ភថាវាអាចធ្វើឱ្យប៉ះពាល់ដោយថាទូរស័ព្ទដៃនិងឧបករណ៍បណ្តាញរបស់ខ្លួនដែលត្រូវបានប្រើប្រាស់យ៉ាងទូលំទូលាយក្នុងប្រទេសដទៃអាចផ្តល់ផលចារកម្មទៅអោយទីក្រុងប៉េកាំង។
ជប៉ុនក៏មានផែនការហាមឃាត់ការប្រើប្រាស់ផលិតផលទូរគមនាគមន៍ដែលផលិតដោយក្រុមហ៊ុន Huawei និងក្រុមហ៊ុនបច្ចេកវិទ្យាចិន ZTE ផងដែរនេះបើតាមការរាយការណ៍របស់ប្រព័ន្ធផ្សព្វផ្សាយជប៉ុន Yomiuri Shimbun កាលពីថ្ងៃសុក្រ។ អ្នកលេងអ៊ិនធើណែតចិនបានរិះគន់ការចាប់ខ្លួននេះនៅលើវិបសាយ Weibo ដែលជាវេទិការបណ្តាញអ៊ីនធឺណែតរបស់ប្រទេសចិន។ អ្នកប្រើប្រាស់មួយចំនួនបានមើលឃើញថាហេតុការណ៍នេះជាផ្នែកមួយនៃសង្រ្គាមពាណិជ្ជកម្មដើម្បីរារាំងការអភិវឌ្ឍបច្ចេកវិទ្យារបស់ប្រទេសចិន។
អ្នកប្រើ Weibo ម្នាក់ បានសរសេរថា: «ហេតុផលសំខាន់បំផុតមួយដែលសហរដ្ឋអាមេរិកចាប់ផ្តើមសង្រ្គាមពាណិជ្ជកម្មគឺដើម្បីវាយប្រហារវិស័យបច្ចេកវិទ្យារបស់ចិននិងផែនការផលិតនៅក្នុងប្រទេសចិន 2025 »។ គោលបំណងគឺដើម្បីរក្សាប្រទេសចិនឲ្យជាប់នៅក្នុងឧស្សាហកម្មដែលមានកម្រិតទាបនិងបង្ខំចិនឱ្យចូលក្នុងអន្ទាក់ចំណូលមធ្យម។ អ្នកប្រើ Weibo ម្នាក់ទៀតបាននិយាយថា ការឃុំខ្លួនលោកស្រី Meng Wanzhou ដូចជា “ល្បែងនយោបាយ” ៕
ប្រភព៖
https://www.channelnewsasia.com/news/technology/huawei-arrest-a–despicable-rogue–action–chinese-media-11010388
