ចន្លោះពេលមានប្រតិកម្មពីប្រជាជន ជុំវិញការលួចបង្កប់កាមេរ៉ានៅក្នុងបង្គន់សាធារណៈ អាជ្ញាធរកូរ៉េខាងត្បូងបានប្រកាសប្ដេជ្ញានឹងបង្កើនការត្រួតពិនិត្យប្រចាំថ្ងៃឲ្យបានតឹងរ៉ឹងបំផុត។ កាមេរ៉ាដែលបង្កប់ក្នុងបង្គន់សាធារណៈ មានគោលដៅលើស្ដ្រី។
រដ្ឋាភិបាលទីក្រុងសេអ៊ួលបានប្រកាសថា បង្គន់សាធារណៈចំនួន២០,៥៥៤បង្គន់ក្នុងទីក្រុង ដែលពីមុនមានបុគ្គលិកតែ៥០នាក់ និងបង្កើនចំនួនបុគ្គលិកដល់៨ពាន់នាក់ ដើម្បីឲ្យពួកគេបង្កើនការត្រួតពិនិត្យកាមេរ៉ាដែលបង្កប់ក្នុងបង្គន់សាធារណៈ។ នេះបើតាមការបញ្ជាក់ពីទីភ្នាក់ងារសារព័ត៌មានយ៉ុនហាបកូរ៉េខាងត្បូង។ ប្រជាជនកូរ៉េខាងត្បូងរំពឹងថា វិធានការថ្មីនេះនឹងអាចមានប្រសិទ្ធភាព ទប់ស្កាត់បទឧក្រិដ្ឋផ្លូវភេទលើស្ដ្រី៕
