វាជារឿងខ្លី ប៉ុន្តែគួរអោយភ្ញាក់ផ្អើលនៅខាងក្នុងរបាយការណ៍ cybersecurity របស់ក្រុមហ៊ុន Microsoft ដែលនិយាយថាពួករដ្ឋាភិបាលជូលពួក Hacker ឲ្យវាយប្រហារក្រុមហ៊ុនផ្តល់សេវាកម្មហិរញ្ញវត្ថុមួយ ចំនួន ហើយចូលលួចយកលុយដ៏ច្រើន។ គណនីនេះផ្តល់នូវការរំលឹកមួយផ្សេងទៀតថាពួក Hacker កំពុងតែគ្រប់គ្រងលើផ្នែកខ្លះនៃ ឧស្សាហកម្មដែលទំនុកចិត្តរបស់អតិថិជនគឺសំខាន់បំផុតហើយជួន កាលវាជាការស្ទាក់ស្ទើរក្នុងការ បង្ហាញពីការវាយប្រហារធ្ងន់ធ្ងរ។ ទោះជារបាយការណ៍បង្ហាញពីអ្វី ដែលកើតឡើងក៏ដោយក៏វាមិនបង្ហាញពីព័ត៌មានលម្អិត ដូចជារដ្ឋាភិបាលគាំទ្រការវាយ ប្រហារឬក្រុមហ៊ុនណាដែលត្រូវគេកំណត់គោលដៅនោះទេ។
ក្រុមហ៊ុន Microsoft និយាយថាខ្លួនដឹងពីករណីនេះដោយសារអ្នកជំនាញការរបស់ខ្លួនជួយជនរងគ្រោះ បន្ទាប់ពីមានបញ្ហា។ នៅក្នុងឧប្បត្តិហេតុស្រដៀងគ្នានេះពួក Hacker ចូលប្រើប្រាស់សិទ្ធិរដ្ឋបាល ទៅលើប្រព័ន្ធកុំព្យូទ័រតាមរយៈការចម្លងម៉ាស៊ីនដែលមាន “គោលដៅខ្ពស់ចូលទៅក្នុងប្រពន្ធ័សំរេច” ជាមួយនឹងអ៊ីម៉ែលបន្លំ។ បន្ទាប់មកពួកគេផ្ញើប្រាក់ទៅគណនីបរទេស។ ក្នុងករណីខ្លះពួកអ្នកវាយ ប្រហារ គេរកមិនឃើញអស់រយៈពេលជាង 100 ថ្ងៃ ហើយគេរកឃើញថាចាក់សោមេរោគលើ ប្រព័ន្ធជនរងគ្រោះដោយបញ្ឈប់ប្រតិបត្តិការ។
ក្រុមហ៊ុន FireEye Inc ដែលជាក្រុមហ៊ុនអ៊ីនធរ័ណែតមួយផ្សេងទៀតរៀបរាប់ពីការវាយប្រហារ ស្រដៀងគ្នានេះនៅក្នុងរបាយការណ៍ចេញផ្សាយប្រហែលប្រាំខែកន្លងមុននេះ។ អ្នកនាំពាក្យក្រុមហ៊ុន Microsoft ម្នាក់បដិសេធមិនធ្វើអត្ថាធិប្បាយលើបញ្ហានេះទេ។
នៅក្នុងរបាយការណ៍នោះ FireEye និយាយថាក្រុម hacking របស់កូរ៉េខាងជើងជ្រៀតចូលទៅក្នុង ក្រុមហ៊ុនច្រើនជាង 16 នៅក្នុង 11 ប្រទេសរួមទាំងសហរដ្ឋអាមេរិក ហើយលួចលុយជាង 100 លាន ដុល្លារ។ ជនរងគ្រោះនៅក្នុងក្រុមនេះរួមមានធនាគារ Chilean ខាត 10 លានដុល្លារកាលពីខែឧសភា។ ការទូតកូរ៉េខាងជើង និងប្រព័ន្ធផ្សព្វផ្សាយផ្លូវការបដិសេធថាប្រទេសនេះមិនដើរតួនាទីណាមួយនៅក្នុង ការវាយប្រហារតាមអ៊ីនធរ័ណែតទេ៕
![](https://i0.wp.com/cdn.nctc.gov.kh/2019/03/៧៧.jpg?resize=696%2C452&ssl=1)
ប្រភព៖
https://www.bloomberg.com/news/articles/2019-02-28/