ការស្ទង់មតិឧស្សាហកម្ម បានបង្ហាញថា សហរដ្ឋអាមេរិក និងចិនកំពុងស្ថិតក្នុងស្ថានភាព ជាប់គាំងក្នុងការប្រណាំង ប្រជែងសម្រាប់ 5G ឬបណ្តាញឥតខ្សែជំនាន់ទី៥ ដែលគេរំពឹងថា នឹងបើកដំណើរការសេវាកម្មថ្មី យោងតាមការចេញផ្សាយ ពីគេហទំព័រជប៉ុនធូដេ។
របាយការណ៍នេះបង្ហាញថា សហរដ្ឋអាមេរិកបានបិទគម្លាត ជាមួយប្រទេសចិន ក្នុងការត្រៀមទុកសម្រាប់ ប្រព័ន្ធឥតខ្សែដែលមានល្បឿនលឿន និងមានការដាក់ពង្រាយ 5G បន្ថែមទៀតក្នុងឆ្នាំ ២០១៩ ជាងប្រទេសដទៃទៀត។ ការសិក្សាស្រាវជ្រាវ របស់ក្រុមហ៊ុនស្រាវជ្រាវ Wireless Group CTIA និងធ្វើឡើងដោយ ក្រុមហ៊ុនស្រាវជ្រាវ Analysys Mason បានបង្ហាញថា សហរដ្ឋអាមេរិកបានផ្លាស់ប្តូរ ទៅប្រទេសកូរ៉េខាងត្បូង ក្នុងការត្រៀមលក្ខណៈ 5G ក្នុងឆ្នាំកន្លងទៅនេះដើម្បី ជាការប្រកួតប្រជែងជាមួយប្រទេសចិន ដោយសារតែការវិនិយោគ គួរឲ្យកត់សម្គាល់ក្នុងប្រព័ន្ធ 5G ។
លោកស្រី Meredith Attwell Baker ប្រធាន CTIA បាននិយាយនៅក្នុង សេចក្តីថ្លែងការណ៍មួយថា សហរដ្ឋអាមេរិកបានបង្កើត “ជំហានដ៏គួរឲ្យចាប់អារម្មណ៍” ក្នុងការរៀបចំសម្រាប់បច្ចេកវិទ្យាថ្មីនេះ ប៉ុន្តែត្រូវការចាំបាច់បន្ថែមទៀត ដើម្បីរក្សាភាពជាអ្នកដឹកនាំ។
អ្នកស្រីបានថ្លែងថា យើងមិនអាចខ្វល់ខ្វាយ បានទេព្រោះការប្រណាំង 5G ទើបតែចាប់ផ្តើម ។ យើងត្រូវប្រឹងប្រែងទ្វេដងនូវ កិច្ចខិតខំប្រឹងប្រែងរបស់យើង ដើម្បីប្រយុទ្ធប្រឆាំងនឹងមហិច្ឆតា 5G និងការវិនិយោគរបស់ប្រទេសចិន និងប្រទេសដទៃទៀត ។
ក្រុមអ្នកវិភាគរំពឹងថា បណ្តាញ 5G នឹងដើរតួយ៉ាងសំខាន់ ក្នុងការផ្តល់ទិន្នន័យ សម្រាប់យានយន្ត ស្វ័យប្រវត្តិវេជ្ជសាស្ត្រពីចម្ងាយ និងសេវាកម្មផ្សេងទៀត ដែលមានការប្រើប្រាស់ ទិន្នន័យច្រើន ៕
