ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី២ ខែឧសភា ឆ្នាំ២០១៩នេះថា ក្រសួងយុត្តិធម៌បានឲ្យដឹងថា អតីតមន្រ្តី CIA ម្នាក់អាចចំណាយពេលនៅសេសសល់ នៅក្នុងពន្ធនាគារ បន្ទាប់ពីបានសារភាពកំហុសកាលពីថ្ងៃពុធទី១ ខែឧសភា ដែលថាបានធ្វើចារកម្មឱ្យប្រទេសចិន ។
លោក Jerry Lee Chun Shing អាយុ៥៤ឆ្នាំត្រូវបានចាប់ខ្លួនកាលពីខែមករាឆ្នាំ២០១៨ ដោយសង្ស័យថា បានផ្តល់ព័ត៌មានអំពីបណ្តាញព័ត៌មាន CIA ដែលត្រូវបានផ្តល់ដល់ប្រទេសចិន នៅចន្លោះឆ្នាំ២០១០ និងឆ្នាំ២០១២ ។
ក្រសួងយុត្តិធម៌បានឲ្យដឹងនៅក្នុងសេចក្តីថ្លែងការណ៍មួយថា លោក Lee បានសារភាពកំហុសនៅចំពោះមុខ ចៅក្រមតុលាការស្រុកមួយ នៅស្រុកភាគខាងកើតនៃរដ្ឋ Virginia ដែលបានសមគំនិតគ្នាដើម្បីផ្តល់ព័ត៌មាន ការពារជាតិទៅកាន់ប្រទេសចិន ។
លោក Lee ដែលជាអតីតមន្រ្តីករណីរបស់ CIA បានចាកចេញពីទីភ្នាក់ងារស៊ើបការណ៍សម្ងាត់ កណ្តាលក្នុងឆ្នាំ២០០៧ ហើយបានផ្លាស់ទៅរស់នៅក្រុងហុងកុង ។
យោងតាមក្រសួងយុត្តិធម៌ លោកត្រូវបានមន្ត្រីស៊ើបអង្កេតចិន២នាក់បានចូលរួមក្នុងរឿងនេះ នៅក្នុងខែមេសាឆ្នាំ២០១០ ។
ក្រសួងបានឲ្យដឹងថា ពួកគេបានផ្តល់ប្រាក់ចំនួន ១០០.០០០ដុល្លារសម្រាប់ព័ត៌មាន និងថែរក្សាគាត់ “សម្រាប់ជីវិត” ជាថ្នូរនឹងកិច្ចសហប្រតិបត្តិការរបស់គាត់ ៕
![](https://i0.wp.com/cdn.nctc.gov.kh/2019/05/A0EF9A75-D7B8-43A2-9993-FDF998CDC159.jpeg?resize=696%2C464&ssl=1)