ចិនមានប្រើកម្មវិធីក្នុងទូរស័ព្ទចល័ត សម្រាប់តាមដានសកម្មភាពប្រចាំថ្ងៃរបស់ពលរដ្ឋក្នុងសហគមន៍អ៊ុយហ្គួរ ជនជាតិភាគតិចចិនកាន់សាសនាអ៊ីស្លាមរស់នៅតំបន់ស៊ីនជាំង។ នេះបើតាមរបាយការណ៍ថ្មីរបស់អង្គការការពារសិទ្ធិមនុស្ស Human Rights Watch ដែលមានចំណងជើងថា “Algorithme ក្បួនបង្ក្រាបរបស់ចិន” ។
របាយការណ៍បានលម្អិតទៀតថា អាជ្ញាធរនៅតំបន់ស៊ីនជាំង តានដានមើលសកម្មភាពយ៉ាងល្អិតល្អន់បំផុត ថាតើជនណាប្រតិបត្តិក្រមសីលធម៌៣៦ចំណុច មិនបានត្រឹមត្រូវ ? មិនររាក់ទាក់ជាមួយអ្នកជិតខាង ផ្តល់អំណោយច្រើននិងយ៉ាងរីករាយដល់វិហារអ៊ីស្លាម ឬប្រើអគ្គីសនីច្រើនជ្រុល … អាចក្លាយជាជនជាប់សង្ស័យ។
