កាលពីដើមឆ្នាំនេះ ជនល្មើសដែលបានគេចខ្លួនជាង ២០ ឆ្នាំ ក្នុងទឹកដីដែលមានប្រជាជនប្រមាណ ១,៤ ពាន់លាននាក់ ត្រូវបានចាប់ខ្លួនបានសម្រេច។ នេះគឺជាលទ្ធផលនៃការរីកចម្រើនលើបច្ចេកវិទ្យាចំណាំអត្តសញ្ញាណ គួបផ្សំនឹង AI ដែលបង្កើតដោយក្រុមហ៊ុនបច្ចេកវិទ្យា DeepGlint ក្នុងក្រុងប៉េកាំង។
ផ្អែកតាមព័ត៌មានពី DeepGlint ដែលចេញផ្សាយកាលពីថ្មីៗនេះបានឲ្យដឹងថា បច្ចេកវិទ្យានេះបង្កើតឡើងដោយផ្អែកលើទម្រង់ភ្នែករបស់មនុស្ស។ រូបភាពនៃមនុស្ស ឬ វត្ថុនឹងត្រូវថតទុក រួចធ្វើការវិភាគ ពីចម្ងាយរហូតដល់ ៥០ ម៉ែត្រ។ បច្ចេកវិទ្យាវិភាគបែប 3D នឹងវិភាគលើរូបភាព រួចឲ្យដំណឹងដល់សមត្ថកិច្ចប្រសិនបើចាំបាច់។
យ៉ាងណាក្ដី ការបង្កើតបច្ចេកវិទ្យានេះប្រឈមមុខនឹងឧបសគ្គពីអង្គការសិទ្ធមនុស្ស។ របាយការណ៍ពីអង្គការមួយក្នុងប្រទេសចិន បានលើកឡើងថាសមត្ថកិច្ចរបស់ខេត្ត Xinjiang បានប្រើប្រាស់កម្មវិធីចំណាំអត្តសញ្ញាណលើទូរសព្ទ ដើម្បីតាមដានប្រជាពលរដ្ឋ ដែលជាការល្មើសនឹងសិទ្ធិសេរីភាពរបស់បុគ្គល៕
