យោងតាមមន្ត្រីជាន់ខ្ពស់អុីរ៉ាក់បានអោយដឹងថាក្រុមភេរវករដែលមានទំនាក់ទំនងជាមួយក្រុម ISIS កាលពីយប់ថ្ងៃអង្គារបានវាយប្រហារលើកងទ័ពអុីរ៉ាក់ដែលស្ថិតនៅក្នុងខេត្ត Kirkuk។
ថ្លែងទៅកាន់កាសែត The Baghdad លោក Azad Rostam តំណាងសហភាពស្នេហាជាតិឃឺដ បានចង្អុលបង្ហាញថាឧប្បត្តិហេតុនេះបានកើតឡើងនៅក្រុង Daquq ភាគខាងត្បូងខេត្ត Kirkuk។
មន្ត្រីរូបនោះបានបន្ថែមទៀតថាការប្រយុទ្ធនៅតែបន្តរវាងកងទ័ពអុីរ៉ាក់ និងក្រុមបះបោរដោយមិនមានរបាយការណ៍បន្ទាន់ណាមួយនៃការស្លាប់ និងរបួសដែលអាចកើតមានក្នុងចំណោមភាគីទាំងពីរ៕
ប្រភពព័ត៌មានពី baghdadpost ចេញផ្សាយថ្ងៃទី១៣ ខែឧសភា ឆ្នាំ២០២០
