កងកម្លាំង​អ៊ីរ៉ាក់​សម្លាប់​សមាជិក​ស​កម្ម​ប្រយុទ្ធ IS ចំនួន០៦នាក់ និង​ចាប់ខ្លួន០៤ នាក់​ផ្សេងទៀត

0

នៅ​ថ្ងៃ​ពុធ ទី១៥ សប្តាហ៍​នេះ កងកម្លាំង​សេវាកម្ម​ប្រឆាំង​ភេរវកម្ម​អ៊ីរ៉ាក់ (CTS) បានសម្លាប់​សមាជិក​ក្រុម​សកម្មប្រយុទ្ធ​រដ្ឋ​អ៊ីស្លាម(IS)ចំនួន០៦នាក់​នៅ​ភាគ​ខាងជើង​ប្រទេស​អ៊ីរ៉ាក់ និង​បាន​ចាប់ខ្លួន​ភេរ​វករ​ចំនួន០៤នាក់​ផ្សេងទៀត​នៅ​ជិត​រដ្ឋធានី​បា​ដា​ដ។

នៅក្នុង​សេចក្តីថ្លែងការណ៍​មួយ​របស់​កងកម្លាំង CTS បាន​និយាយថា នៅ​ព្រឹក​ព្រលឹម​ថ្ងៃ​អង្គារ កងទ័ព CTS ដែល​គាំទ្រ​ដោយ​យន្តហោះ​ចម្រុះ​អន្តរជាតិ​បានធ្វើ​ប្រតិបត្តិការ​សន្តិសុខ​ក្នុង​តំបន់​មួយ​នៅ​ភាគខាងត្បូង​ខេត្ត Kirkuk និង​បានសម្លាប់​សមាជិក​ក្រុម​សកម្មប្រយុទ្ធ IS ចំនួន០៦នាក់។

នៅក្នុង​ប្រតិបត្តិការ​ដាច់ដោយឡែក​មួយ​ផ្សេងទៀត កងកម្លាំង CTS បាន​ចាប់ខ្លួន​សមាជិក​សកម្ម​ប្រយុទ្ធ IS ចំនួន ០៣នាក់​នៅក្នុង​តំបន់ al-Taji ដែលមាន​ចម្ងាយ២៥គីឡូម៉ែត្រ​ពី​ខាងជើង​ទីក្រុង​បា​កដាដ និង​សមាជិក​សកម្មប្រយុទ្ធ​ម្នាក់ទៀត​នៅ​តំបន់ Abu Ghraib នៅ​ចម្ងាយ​ប្រមាណ២០ គីឡូម៉ែត្រ​នៅ​ខាងលិច​ទីក្រុង​បា​កដាដ។

ប្រតិបត្តិការ​នោះ​ធ្វើឡើង​នៅពេលដែល​ក្រុម​សកម្មប្រយុទ្ធ IS ជ្រុលនិយម​បាន​បង្កើន​ការវាយប្រហារ​របស់​ពួកគេ​ទៅលើ​កងកម្លាំង​សន្តិសុខ​រួមទាំង​កងកម្លាំង Hashd Shaabi និង​ជន​ស៊ីវិល​នៅក្នុង​ខេត្ត Sunni ដែល​គ្រប់គ្រង​ដោយ​អតីត​រដ្ឋ​អ៊ីស្លាម។ ការវាយប្រហារ​នោះបណ្តាលឱ្យមាន​មនុស្ស​ស្លាប់ និង​រងរបួស​ជាច្រើន​នាក់។

គួរ​រំលឹក​ផងដែរ​ថា ស្ថានភាព​សន្តិសុខ​នៅក្នុង​ប្រទេស​អ៊ីរ៉ាក់​មាន​ភាពប្រសើរឡើង​ចាប់តាំងពី​កងកម្លាំង​សន្តិសុខ​អ៊ីរ៉ាក់​បាន​កម្ចាត់​ក្រុម​សកម្មប្រយុទ្ធ IS នៅ​ទូទាំងប្រទេស​នៅ​ចុងឆ្នាំ ២០១៧ ។

ទោះជា​យ៉ាងណាក៏ដោយ​សមាជិក​ឧទ្ទាម IS នៅ​សេសសល់​បាន​បង្កប់ខ្លួន​នៅក្នុង​តំបន់​ទីក្រុង ឬ​វាល​ខ្សាច់ និង​តំបន់​រឹងមាំ​ផ្សេងទៀត ដោយ​ធ្វើការ​វាយឆ្មក់​ជា​ញឹកញាប់​ប្រឆាំងនឹង​កម្លាំង​សន្តិសុខ និង​ជន​ស៊ីវិល។

ប្រែ​សម្រួល៖ ប៉ោក លក្ខិណា
ប្រភពព័ត៌មាន Xinhua ផ្សាយ​ថ្ងៃទី១៦ ខែកក្កដា ឆ្នាំ២០២០

LEAVE A REPLY

Please enter your comment!
Please enter your name here