អ្នកឃ្លាំមើលសង្គ្រាមបានរាយការណ៍ថា យ៉ាងហោចណាស់មនុស្សចំនួន០៧នាក់ស្លាប់ និងចំនួន៣០នាក់ផ្សេងទៀតរងរបួសនៅថ្ងៃចន្ទ ទី១៤ ខែកញ្ញា ពេលគ្រាប់បែកមួយផ្ទុះឡើងនៅទីក្រុង Aleppo ដែលកាន់កាប់ដោយក្រុមឧទ្ទាមនៅភាគខាងជើងប្រទេសស៊ីរី។
ក្រុមឃ្លាំមើលសិទ្ធិមនុស្សស៊ីរីបន្ថែមថា រថយន្តបានផ្ទុះនៅសង្កាត់ Ashrafiyeh នៅកណ្តាលទីក្រុង Afrin។
ចំនួនអ្នកស្លាប់អាចកើនឡើងដោយសារតែចំនួនអ្នករងរបួសធ្ងន់ធ្ងរមានចំនួនច្រើន។ ក្រុមឃ្លាំមើលនៅចក្រភពអង់គ្លេសនិយាយថា ការផ្ទុះនេះកើតឡើងនៅក្នុងតំបន់ស៊ីវិលដែលមានមនុស្សច្រើនកុះករ។
ប្រព័ន្ធផ្សព្វផ្សាយរដ្ឋផ្សេងទៀតក៏បានរាយការណ៍ពីការផ្ទុះនេះដោយមិនបានប្រាប់ពីចំនួនអ្នកស្លាប់ឡើយ។ ក្រុមឧទ្ទាមគាំទ្រដោយតួកគី និងក្រុងអង់ការ៉ាបានដណ្តើមយកទីក្រុង Afrin ពីកងជីវពលដឹកនាំដោយសកម្មប្រយុទ្ធឃឺដនៅខែមីនា ឆ្នាំ២០១៨ ។
គួររំលឹកផងដែរថា ក្រុមសកម្មជនធ្វើរបាយការណ៍ជាច្រើនអំពីស្ថានភាពនៅក្នុងតំបន់ដែលគ្រប់គ្រងដោយប្រទេសតួកគីនៅភាគខាងជើងប្រទេសស៊ីរី និងនិយាយថា រដ្ឋដែលគ្មានច្បាប់កំពុងតែរីករាលដាលនៅក្នុងតំបន់នោះ។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៤ ខែកញ្ញា ឆ្នាំ២០២០
