យ៉ាងហោចណាស់ ទាហានយេម៉ែនចំនួន០៨នាក់ត្រូវគេសម្លាប់ ក្នុងការវាយប្រហារពីគ្រាប់មីស៊ីលរបស់ក្រុមឧទ្ទាម Houthi នៅលើជំរុំយោធារបស់រដ្ឋាភិបាលនៅក្នុងខេត្ត Saada ភាគខាងជើងប្រទេសយេម៉ែន។
ប្រភពព័ត៌មានបាននិយាយក្នុងលក្ខខណ្ឌអនាមិកថា ការវាយប្រហារដោយមីស៊ីលនៅល្ងាចថ្ងៃពុធលើកងពលតូចទី១ ធ្វើឱ្យទាហានចំនួន ២៨នាក់រងរបួស។
ក្រុមឧទ្ទាម Houthi មិនបានធ្វើអត្ថាធិប្បាយអ្វីអំពីការវាយប្រហារនេះទេ។
សូមរំលឹកផងដែរថា ប្រទេសយេម៉ែនធ្លាក់ក្នុងសង្គ្រាមស៊ីវិលចាប់ពីចុងឆ្នាំ២០១៤ ពេលដែលក្រុមឧទ្ទាម Houthi គាំទ្រដោយអ៊ីរ៉ង់កាន់កាប់ខេត្តជាច្រើននៅភាគខាងជើងរួមទាំងតំបន់ Saada និងបង្ខំឱ្យរដ្ឋាភិបាលទទួលស្គាល់ពីអន្តរជាតិលោកប្រធានាធិបតី Abd-Rabbu Mansour Hadi ចាកចេញពីរដ្ឋធានីសាណា។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៤ ខែកញ្ញា ឆ្នាំ២០២០
