ភ្នាក់ងារសារព័ត៌មានរដ្ឋ SANA រាយការណ៍ថា នៅថ្ងៃអង្គារ ទី០៦ ខែតុលានេះមនុស្សជាច្រើននាក់ស្លាប់ ឬរងរបួសនៅក្នុងហេតុការណ៍បំផ្ទុះគ្រាប់បែករថយន្តដែលបណ្តាលឲ្យរញ្ជួយទីក្រុងកាន់កាប់ដោយក្រុមឧទ្ទាមនៅភាគខាងជើងនៃខេត្តអាឡិបប៉ូ(Aleppo)។
ភ្នាក់ងារសារព័ត៌មាន SANA និយាយថា ការផ្ទុះនេះបានធ្វើឱ្យរញ្ជួយទីក្រុងអាល់បាប(al-Bab) នៅភាគឥសាននៃទីប្រជុំជនអាឡិបប៉ូ។ ជាមួយគ្នានេះដែរ អង្គការឃ្លាំមើលសិទ្ធិមនុស្សស៊ីរីនិយាយថា មនុស្សចំនួន០៧នាក់ស្លាប់ និងចំនួន ៣២នាក់ផ្សេងទៀតរងរបួស។
ក្រុមឃ្លាំមើលដែលមានមូលដ្ឋាននៅចក្រភពអង់គ្លេសនិយាយថា ការបំផ្លាញដ៏ធំគឺកើតឡើងបណ្តាលមកពីហេតុការណ៍ផ្ទុះនៅជិតវិហារអ៊ីស្លាមមួយនៅកណ្តាលទីក្រុងអាល់បាប។ ទីក្រុងនោះគ្រប់គ្រងដោយកងកម្លាំងតួកគី និងក្រុមឧទ្ទាមដែលគាំទ្រដោយតួកគី។
ក្រុមសកម្មជនរាយការណ៍ម្តងហើយម្តងទៀតអំពីភាពពុំមានច្បាប់ទម្លាប់នៅក្នុងតំបន់ដែលកាន់កាប់ដោយក្រុមឧទ្ទាមនៅភាគខាងជើងប្រទេសស៊ីរី។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៦ ខែ១០ ឆ្នាំ២០២០
