ប្រភពសន្តិសុខបានប្រកាសថាកងទ័ពអ៊ីរ៉ាក់បានបើកប្រតិបត្តិការយោធាទ្រង់ទ្រាយធំប្រឆាំងនឹងក្រុមភេរវករ ISIS ស្ថិតនៅវាលខ្សាច់ Al-Rutba ភាគខាងលិចនៃខេត្ត Al Anbar កាលពីថ្ងៃច័ន្ទនេះ។
ប្រតិបត្តិការនេះបានចាប់ផ្តើមបន្ទាប់ពីទទួលបានព័ត៌មានអំពីវត្តមានរបស់ភេរវករ ISIL នៅវាលខ្សាច់។
គួររំលឹកថាបន្ទាប់ពីការរំដោះបានទីក្រុង Mosul កាលពីខែកក្កដា ឆ្នាំ២០១៧មក ក្រុមភេរវករ ISIS ជាច្រើននាក់បានលាក់ខ្លួននៅតាមបណ្តាខេត្តនានាក្នុងប្រទេសអ៊ីរ៉ាក់ជាពិសេសខេត្ត Diyala ខេត្តKirkuk ខេត្ត Salahddin ខេត្ត Al Anbar និងខេត្ត Nineveh ដែលមានលក្ខខណ្ឌភូមិសាស្ត្រសមស្របសម្រាប់សម្រាប់ពួកគេ។
កម្លាំង ISIS បានបង្កើនការវាយប្រហាររបស់ខ្លួនទៅលើជនស៊ីវិលអ៊ីរ៉ាក់ និងកម្លាំងសន្តិសុខក្នុងរយៈពេលពីរខែកន្លងមកនេះ។
ចំណែកឯក្នុងរយៈពេលប៉ុន្មានខែថ្មីៗនេះកងទ័ពអ៊ីរ៉ាក់បានអនុវត្តប្រតិបត្តិការជាបន្តបន្ទាប់ប្រឆាំងនឹងសមាជិកក្រុម ISIL នៅខេត្ត Al Anbar ខេត្ត Nineveh ខេត្ត Salahddin ចាប់តាំងពីពាក់កណ្តាលខែមុន។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី២៤ ខែវិច្ឆិកា ឆ្នាំ២០២០
