ប្រធានអាជ្ញាធរព្រំដែនអ៊ីរ៉ាក់បានបញ្ជាក់ថាពួកគេនឹងចាប់ផ្តើមត្រួតត្រាច្រកព្រំដែននៃតំបន់ឃឺដនាពេលឆាប់ៗនេះ។
លោក Omar Waili ប្រធានអាជ្ញាធរព្រំដែនព្រំដែនអ៊ីរ៉ាក់បានប្រកាសនៅក្នុងសេចក្តីថ្លែងការណ៍មួយទៅកាន់កាសែត Al-Sabah ថាវិធានការណ៍នឹងចាប់ផ្តើមក្នុងពេលឆាប់ៗដើម្បីគ្រប់គ្រងការឆ្លងកាត់ព្រំដែននៃតំបន់ឃឺដ។
លោកបានបន្ថែមថាបញ្ជាការប្រតិបត្តិការរួមអ៊ីរ៉ាក់បានពិភាក្សាជាមួយរដ្ឋមន្ត្រីក្រសួងមហាផ្ទៃនៃតំបន់ឃឺដអំពីបញ្ហានៃការបិទច្រកព្រំដែនឆ្លងកាត់មិនផ្លូវការមួយចំនួននៃតំបន់ឃឺដ។
គួរកត់សម្គាល់ថាតំបន់ឃឺដមានច្រកព្រំដែនឆ្លងកាត់ចំនួន១១ ក្នុងនោះ៦គឺជាច្រកព្រំដែនឆ្លង់កាត់ ផ្លូវការ ហើយក្រៅពីនេះគឺជាច្រកព្រំដែនឆ្លងកាត់មិនផ្លូវការ និងមិនត្រូវបានទទួលស្គាល់ដោយរដ្ឋាភិបាលអ៊ីរ៉ាក់។
អ្នកប្រែសម្រួល៖ គល់ សេងហាក់
ប្រភពព័ត៌មានពី kurdiu ចេញផ្សាយថ្ងៃទី៤ ខែកុម្ភៈ ឆ្នាំ២០២១
