ក្រសួងសន្តិសុខអ៊ីរ៉ង់ប្រកាសនៅថ្ងៃពុធ ទី២៤ ខែកុម្ភៈថា កម្លាំងសន្តិសុខអ៊ីរ៉ង់បានបញ្ឈប់ប្រតិបត្តិការភេរវកម្មមួយ និងសម្លាប់ភេរវករចំនួន២នាក់នៅភាគពាយព្យនៃប្រទេស។
ភ្នាក់ងារព័ត៌មាន Tasnim អះអាងថា ក្រុមភេរវករគ្រោងនឹងអនុវត្តប្រតិបត្តិការវាយប្រហារមួយនៅក្នុងទីក្រុង Piranshahr នៅភាគខាងលិចនៃខេត្ត Azerbaijan។
សេចក្តីថ្លែងការណ៍បញ្ជាក់បន្ថែមថា បុរសប្រដាប់អាវុធដែលត្រូវកងកម្លាំងសម្លាប់ទាំងនោះមានទំនាក់ទំនងជាមួយក្រុមភេរវករដែលមានមូលដ្ឋាននៅក្នុងប្រទេសអ៊ីរ៉ាក់។
នៅចុងបញ្ចប់ប្រភពដដែលបន្ថែមថា កងកម្លាំងក៏បានដកហូតកាំភ្លើង Kalashnikov ចំនួន២ដើម គ្រាប់បែកដៃជាច្រើនគ្រាប់ និងគ្រាប់រំសេវជាច្រើនពីក្រុមភេរវករផងដែរ៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី២៥ ខែកុម្ភៈ ឆ្នាំ២០២១
