អ្នកបកប្រែជនជាតិអាហ្វហ្គានីស្ថានម្នាក់ដែលបានជួយកងកម្លាំងអាមេរិកនៅក្នុងតំបន់ ឥឡូវនេះភ័យខ្លាចចំពោះជីវិតរបស់គាត់នៅពេលដែលក្រុមភេរវករតាលីបង់បន្តកាន់កាប់ប្រទេសនៅអាស៊ីកណ្តាល។
Faridoon Hazeen បានសរសេរផ្ញើអ៊ីម៉ែលទៅ Fox News ថា“ ខ្ញុំមិនចង់ស្លាប់ទេ “។
ក្រោយមកគាត់បាននិយាយតាមទូរស័ព្ទថា “ខ្ញុំមានអារម្មណ៍ដូចជាមនុស្សម្នាក់លង់ទឹកចឹង………ខ្ញុំកំពុងតែទៅរកអ្វីមួយ និងនរណាម្នាក់មកជួយសង្គ្រោះខ្ញុំ” ។
ឪពុកមានកូន៤នាក់ អាយុ ៣៩ ឆ្នាំ គឺជាមនុស្សម្នាក់ក្នុងចំណោមមនុស្សរាប់ពាន់នាក់នៅក្នុងប្រទេស អាហ្វហ្គានីស្ថានដែលអាចស្ថិតនៅកំពូលនៃបញ្ជីមរណៈ ប្រសិនបើពួកតាលីបង់អាចកាន់កាប់ប្រទេសបានពេញលេញ។ គាត់បានកំពុងព្យាយាមជាច្រើនឆ្នាំដើម្បីទទួលបានទិដ្ឋាការអាមេរិក ប៉ុន្តែគ្មាន សំណាង។ គាត់បាននិយាយថាគាត់បានផ្ញើអ៊ីម៉ែលទៅស្ថានទូតអាមេរិកនៅទីក្រុងកាប៊ុលចំនួន ៤ ដងប៉ុន្តែទទួលបានការឆ្លើយតបមិនច្បាស់លាស់ទេ។ ប្រធានាធិបតី បៃដិន បាននិយាយកាលពីពេលថ្មីៗនេះថា អ្នកបកប្រែអាហ្វហ្គានីស្ថានត្រូវបានស្វាគមន៍ទៅរស់នៅសហរដ្ឋអាមេរិក ទោះបីជាគាត់និយាយថាការនាំពួកគេមកទីនេះត្រូវមានវិធានការពីសភាក៏ដោយ។
ប្រធានាធិបតី បៃដិនបាននិយាយ “នោះហើយជាមូលហេតុដែលយើងស្នើឱ្យសភាពិចារណាផ្លាស់ប្តូរច្បាប់។ ប៉ុន្តែក្នុងពេលនេះ យើងអាចធានាបានពីសុវត្ថិភាពរបស់ពួកគេ ប្រសិនបើពួកគេមានបំណងចង់ចាកចេញ ដោយនាំពួកគេទៅប្រទេសទីបី ។
ក្រសួងការបរទេសបាននិយាយថាខ្លួននឹង“ បន្តបង្កើនកិច្ចប្រឹងប្រែង” ដើម្បីនាំអ្នកបកប្រែទៅរកកន្លែងសុវត្ថិភាព។
ខណៈពេលដែលពួកតាលីបង់មិនទាន់ដណ្តើមបានរដ្ឋធានីកាប៊ុលរបស់អាហ្វហ្គានីស្ថាននៅក្នុងការវាយលុកដោយគ្មានមេត្តា ដើម្បីនាំយកអភិបាលកិច្ចជាមូលដ្ឋានដ៏ឃោរឃៅរបស់ខ្លួនត្រលប់មកប្រទេសវិញ Hazeen មានអារម្មណ៍ថាពួកគេកាន់តែជិតមកដល់ហើយ។
លោកបានមានប្រសាសន៍ថា“ អ្នកទទួលបានអារម្មណ៍ថាទីក្រុងអាចដួលរលំគ្រប់ពេលវេលា” ។
គាត់ជឿថាសមាជិកតាលីបង់បានជ្រៀតចូលទីក្រុងរួចទៅហើយ៖“ និយាយឱ្យត្រង់ទៅ … ខ្ញុំមានអារម្មណ៍ប្លែកនៅពេលដែលខ្ញុំដើរជុំវិញទីក្រុង” ។
គាត់បានឃើញយុវជនជាច្រើននៅទីក្រុងកាប៊ុលមកពីតំបន់ផ្សេងៗគ្នានៃប្រទេស មនុស្សចម្លែក សូម្បីតែមកពីប្រទេសប៉ាគីស្ថានដែលនៅក្បែរនោះ។
រឿងគ្រប់យ៉ាងនឹងអាក្រក់សម្រាប់មនុស្សជាច្រើននៅអាហ្វហ្គានីស្ថាន ប្រសិនបើពួកតាលីបង់សម្រេចគោលដៅរបស់វា។
Hazeen ដែលកំពុធ្វើជាអ្នកបកប្រែ ការសម្ភាសន៍ជនជាតិអាមេរិក គឺជាគោលដៅងាយរងគ្រោះជា ពិសេស។
គាត់បាននិយាយ អំពីវិហារអ៊ីស្លាមមួយនៅក្បែរនោះ ដែលអ្នកគោរពបូជាបានប្រាប់ថា នៅពេលពួកតាលីបង់មកដល់ ពួកគេនឹងដោះស្រាយជាមួយអ្នកដែលធ្វើការជាមួយជនបរទេសជាមុន។ គាត់និយាយថាគាត់ទទួលបានការហៅជិត ១២ ដងក្នុងរយៈពេល ១០ ថ្ងៃចុងក្រោយនេះជាមួយនឹងការគំរាមកំហែងដល់ជីវិតរបស់គាត់។ គាត់បារម្ភថា ប្រទេសជិតខាងដែលជាសម្ពន្ធមិត្តរបស់ក្រុមតាលីបង់នឹងមករកគាត់។
គាត់បានបញ្ជូនគ្រួសាររបស់គាត់ចេញពីផ្ទះរបស់គាត់រួចទៅហើយ និងការភ័យខ្លាចជាពិសេសគឺចំពោះប្រពន្ធ និងកូនស្រីអាយុ ១១ ឆ្នាំរបស់គាត់។ នៅក្នុងតំបន់ដែលក្រុមតាលីបង់កាន់កាប់ មានសេចក្តីរាយការណ៍ថាស្ត្រី និងក្មេងស្រីត្រូវបានយកធ្វើជាប្រពន្ធរបស់យុទ្ធជនតាលីបង់។
នោះហើយគឺជាបញ្ហាពិតប្រាកដជាមួយនឹងការដែលអាចវិលត្រឡប់របស់ក្រុមតាលីបង់។ ភាគច្រើនដូចដែលពួកគេអះអាងថា ពួកគេបានផ្លាស់ប្តូរ ចាប់តាំងពីពេលចុងក្រោយដែលពួកគេទទួលបន្ទុកលើប្រទេសអាហ្វហ្គានីស្ថានជាង ២០ ឆ្នាំមុន។ របាយការណ៍ថ្មីៗនៃការប្រហារជីវិត និងការរំលោភបំពាន គឺនិយាយរឿងផ្សេងៗគ្នា។
Hazeen ដឹងពីរឿងនេះយ៉ាងច្បាស់។ លោកបាននិយាយថា“ ខ្ញុំគ្រាន់តែរង់ចាំដើម្បីអោយពួកតាលីបង់សម្លាប់ខ្ញុំ” ។ គាត់មិននៅម្នាក់ឯងទេ។
អ្នកប្រែសម្រួល៖ ងួន ណារិទ្ធ
ប្រភពព័ត៌មានពី foxnews ចេញផ្សាយថ្ងៃទី 12 ខែសីហា ឆ្នាំ២០២១
