(ថ្ងៃទី 7 ខែធ្នូ ឆ្នាំ 2022 / JNS) កាលពីថ្ងៃពុធ ទាហានអ៊ីស្រាអែលបានសម្លាប់ភេរវករម្នាក់ បន្ទាប់ពីប៉ុនប៉ងធ្វើការបាញ់ប្រហារពីលើរថយន្តពេលបើកឆ្លងកាត់ទីតាំង កងកម្លាំងការពារអ៊ីស្រាអែល(IDF) នៅជិតជំរុំនៃ អូហ្រ្វា(Ofra)។
ទាហាននៅកន្លែងកើតហេតុបានបាញ់លើរថយន្ត ហើយក្រោយមកបានធ្វើការតាមចាប់ជនសង្ស័យ។ IDF បាននិយាយនៅក្នុងសេចក្តីថ្លែងការណ៍មួយថា ក្នុងអំឡុងពេលដេញតាម ជនសង្ស័យបានឃើញទាហានយើង រួចក៏ចេញពីរថយន្ត ហើយបាញ់ប្រហារមកលើពួកយើង ។ ទាហានបានបាញ់សម្លាប់អ្នកវាយប្រហារភ្លាមៗផងដែរ។
ជនដៃដល់ត្រូវបានគេសង្ស័យថាមានជាប់ពាក់ព័ន្ធនឹងឧប្បត្តិហេតុថ្មីៗមួយចំនួន។ ទាហានកំពុងស្វែងរកជនសង្ស័យបន្ថែមទៀត។
ទទ្ទឹមគ្នានេះផងដែរ កាលពីថ្ងៃអង្គារ បុរសជនជាតិអារ៉ាប់ម្នាក់ត្រូវបានចាប់ខ្លួន បន្ទាប់ពីបានវាយប្រហារទៅលើអ្នកទេសចរជនជាតិជ្វីហ្វម្នាក់នៅលើប្រាសាទភ្នំផ្លាហ្សា ក្នុងទីក្រុងចាស់នៃក្រុងយេរូសាឡឹម(Jerusalem)។
អ្នកប្រែសម្រួល៖ ងួន ណារិទ្ធ
ប្រភពព័ត៌មានពី Jewish News Syndicate ចេញផ្សាយថ្ងៃទី ៧ ខែធ្នូ ឆ្នាំ២០២២
