ប្រទេសអ៊ីរ៉ង់៖ ភ្នាក់ងារសារព័ត៌មានថាស់នីម បានរាយការណ៍កាលពីថ្ងៃចន្ទថា កម្លាំងប៉ូលិសអ៊ីរ៉ង់បាន ចាប់ខ្លួន សមាជិក ក្រុម ភេរវករ៣នាក់ ដោយចោទប្រកាន់ថាជាប់ពាក់ព័ន្ធនឹងការធ្វើឃាតមេប៉ូលិស ស្រុក នៅភាគអាគ្នេយ៍នៃខេត្តស៊ីសស្ថាន និងខេត្ត បាឡូឆេស្ថាននៅចុងខែមេសា។
សារព័ត៌មាន ថាស់នីមបានដកស្រង់ សម្តីរបស់ លោកមេបញ្ជាការ ប៉ូលិសខេត្ត ដូសថាលី ចាលីលាន មានខ្លឹម សារថា ស មាជិក ក្រុមនេះគឺជាជនសង្ស័យ សំខាន់ក្នុង ការធ្វើឃាតលោក អាលីរ៉េហ្សា ស្ហារ៉ាកគី អធិការនគរបាល ស្រុកសារ៉ាវ៉ាន់ និងភរិយា របស់គាត់នៅ ក្នុងការវាយប្រហារប្រដាប់អាវុធកាលពីថ្ងៃទី៣០ ខែមេសា។
លោកបានបន្ថែមឱ្យដឹងថា នៅក្នុងក្រុមនេះមានសមាជិកសំខាន់ៗរបស់ក្រុមភេរវករជេសអាល់ហ្សូម (Jaish al-Zulm )។ លោក ចាលីលាន បានប្រាប់អ្នកយកព័ត៌មានថាស់នីមថា លោក ស្ហារ៉ាកគី និងប្រពន្ធរបស់ គាត់ត្រូវ បានសម្លាប់ ក្នុង ការវាយ ប្រហារ ប្រ ដាប់ អាវុធ មួយខណៈ ដែលកំពុង ធ្វើដំណើរដោយរថយន្តរបស់គាត់៕
ប្រភព Xinhua ចុះផ្សាយថ្ងៃទី០៩ ខែឧសភា ឆ្នាំ២០២៣
