ប្រទេសអ៊ីរ៉ង់៖ ភ្នាក់ងារសារព័ត៌មានថាស់នីមបានរាយការណ៍ថា មនុស្ស៣នាក់ស្លាប់ និង៦នាក់ផ្សេងទៀតរងរបួសដែលក្នុងនោះមានក្មេង៣នាក់នៅក្នុងហេតុការណ៍ផ្ទុះ និងឆេះអគារលំនៅដ្ឋាននៅខេត្តយ៉ាដកណ្តាលប្រទេសអ៊ីរ៉ង់ កាលពីព្រឹកថ្ងៃសុក្រ។
ភ្នាក់ងារសារព័ត៌មានថាស់នីមបានបន្ថែមថា ហេតុការណ៍នេះបានកើតឡើងនៅម៉ោងប្រមាណ២:00នាទីព្រឹកក្នុងខេត្តយ៉ាដ ដែលទាមទារឱ្យមានសេវាសង្គ្រោះបន្ទាន់ទៅឲ្យដល់ទីកន្លែងកើតហេតុភ្លាមៗ។
អ្នករងរបួសក្នុងនោះមានទាំងក្មេងដែលមានអាយុចន្លោះពី៤ដល់១៥ឆ្នាំ ត្រូវបានបញ្ជូនទៅមន្ទីពេទ្យ។ ចំណែកឯអ្នករងរបួស៥នាក់ត្រូវបានអនុញ្ញាតិឱ្យចេញពីមន្ទីពេទ្យ។
មូលហេតុដែលបង្កឱ្យមានហេតុការណ៍នេះគឺស្ថិតក្រោមការស៊ើបអង្កេត៕
ប្រភព Xinhua ចុះផ្សាយថ្ងៃទី២៧ ខែធ្នូ ឆ្នាំ២០២៤
