ប្រទេសប៉ាគីស្ថាន៖ ប៉ូលិសបាននិយាយថា យ៉ាងហោចណាស់មនុស្ស៨នាក់ដោយគ្រាប់បែកផ្ទុះត្រូវរថយន្តប៉ូលិសក្នុងស្រុកបាននូ ខេត្តខាយប័រ ផាកថុនវ៉ា ភាគពាយ័ព្យប្រទេសប៉ាគីស្ថានកាលពីថ្ងៃអង្គារ។
ប៉ូលិសក្នុងតំបន់បាននិយាយថា ការបំផ្ទុះគ្រាប់បែកនៅតាមដងផ្លូវបានប៉ះចំរថយន្តមួយគ្រឿងក្នុងអំឡុងពេលល្បាតក្នុងតំបន់សូរ៉ាងហ្គី បណ្តាលឱ្យមនុស្ស៨នាក់រងរបួស។
ក្រោយមានហេតុការណ៍នេះ ប៉ូលិស កងកម្លាំងសន្តិសុខ និងក្រុមសង្គ្រោះប្រញាប់ប្រញាល់ចូលទៅកន្លែងកើតហេតុ និងបានបញ្ជូនអ្នករបួសទៅមន្ទីពេទ្យក្បែរនោះ។
ប៉ូលិសបានបន្ថែមថា មន្ត្រីប៉ូលិសម្នាក់ និងឆ្មាំល្បាត៤នាក់គឺស្ថិតក្នុងចំណោមអ្នករងរបួសក្នុងករណីនេះ។
យោងតាមក្រុមដោះគ្រាប់បែកបានឱ្យដឹងថា គ្រឿងផ្ទុះកែច្នៃមួយគ្រាប់ត្រូវបានបង្កប់លើដងផ្លូវ ហើយវាត្រូវបានគេបំផ្ទុះដោយប្រើឧបករណ៍បញ្ជាពីចម្ងាយ។ កម្លាំងសន្តិសុខ និងប៉ូលិសបានបិទទីតាំងនោះ និងចាប់ផ្តើមស្វែងរកជនដៃល្មើស។
សូមបញ្ជាក់ផងដែរថា ពុំទាន់មានក្រុមណាមួយអះអាងទទួលខុសត្រូវចំពោះការវាយប្រហារនេះនៅឡើយទេ៕
