ស្លាប់​១០នាក់ និងរបួស៣០នាក់ដោយសាររថយន្តបុកចូលហ្វូងមនុស្ស

ភ្នាក់ងារសង្គ្រោះបន្ទាន់ក្រុងណូឡារ៉ីឌី (NOLA Ready) បានឱ្យដឹងថា មនុស្ស១០នាក់ស្លាប់ និង៣០នាក់ផ្សេងទៀតរងរបួសនៅព្រឹកថ្ងៃចូលឆ្នាំសកលដោយសាររថយន្តមួយគ្រឿងបើកសំដៅចូលក្នុងហ្វូងមនុស្សនៅជិតផ្លូវប្រសព្វរវាងផ្លូវខាណល និងផ្លូវបួរប៊ុន ក្នុងទីក្រុងញូវ អ័រលែន រដ្ឋល្វីស៊ីអេណា។

នាយកដ្ឋានប៉ូលិសញូវអ័រលែន បានបញ្ជាក់ពីឧបទ្ទវហេតុដែលធ្វើឲ្យមានមនុស្សគ្រោះថ្នាក់នេះ និងបានជំរុញពលរដ្ឋចាកចេញពីតំបន់នោះ។

ក្រុមអ្នកសង្គ្រោះបន្ទាន់បានដឹកអ្នករបួសទៅមន្ទីពេទ្យក្បែរនោះចំនួន៥ បើទោះបីជាស្ថានភាពរបស់ជនរងគ្រោះមិនត្រូវបានគេបង្ហាញក៏ដោយ។

សោកនាដកម្មនេះត្រូវបានលាតត្រដាងដោយសារទីក្រុងញូវអ័រលែន ដែលជាទីក្រុងប្រវត្តិសាស្ត្រនៅភាគអាគ្នេយ៍របស់សហរដ្ឋអាមេរិកដែលគេស្គាល់ថាជាកន្លែងប្រារព្ធពិធីទស្សនីភាពប្រគុំតន្ត្រីដ៏រស់រវើក និងម៉ាឌី ហ្ក្រាស (Mardi Gras) កំពុងធ្វើឲ្យពិធីបុណ្យចូលឆ្នាំថ្មីរបស់ទីក្រុងនេះបរាជ័យ។  ឧបទ្ទវហេតុនេះកើតឡើងនៅរយៈពេល១ម៉ោងមុនកម្មវិធីប្រកួតបាល់ទាត់របស់មហាវិទ្យាល័យ អាស្តេត បោល វគ្គពាក់កណ្តាលផ្តាច់ព្រ័ត្រ នៅពហុ​កីឡាដ្ឋាន ស៊ីស៊ឺស ដែលជាព្រឹត្តការណ៍ប្រកួតមួយដែលគេរំពឹងថាមានការចាប់អារម្មណ៍ពីមនុស្សរាប់ពាន់នាក់។

អាជ្ញាធរមិនទាន់ផ្តល់ព័ត៌មានលម្អិតអំពីអ្នកបើកបរ មូលហេតុនៃឧបទ្ទវហេតុ ឬក៏ដោយចេតនានៅឡើយទេ។ ការស៊ើបអង្កេតកំពុងដំណើរការ។

សូមបញ្ជាក់ថា ឧបទ្ទវហេតុនេះគឺជាការចាប់ផ្តើមដ៏អាក្រក់មួយក្នុងឆ្នាំ២០២៥សម្រាប់ទីក្រុងមួយដែលប្រារព្ធពីធីបុណ្យវប្បធម៌ និងបដិសណ្ឋារកិច្ចរបស់ខ្លួន ស្របពេលសហគមន៍ចូលរួមកាន់ទុក្ខចំពោះការបាត់បង់ជីវិតរបស់មនុស្សជាច្រើននាក់៕